کویته ده قوراللی هجوم: سککیز کیشی جان بیرگن

پاکستان نینگ کویته شهری ده بیر عراده بس گه قره ته اویشتریلگن قوراللی بیر هجوم عاقبتیده ۸ کیشی جان بیرگن.
خودی منه شو حادثه عاقبتیده عینی دمده ۲ کیشی یاره لندی.
کویته ده پولیس مسئولی سُریاب عمران قوریشی بیرگن بیانات لری ده, اکثریتی شیعه لر دن عبارت هزار گنجی منطقه سیده, مندوی دن سودا آلیب اوی لری گه قیتیب باریتگن کیشی لر نی انتقال ایتتریتگن بیر عراده بس گه قره ته موترسایکل لیک اوچ کیشی تمانیدن فیر قلینگن لیگی نی بلدردی.
اوشبو هجوم عاقبتیده آلینگن ایلک معلومات لر گه کوره ۸ کیشی جان بیررایکن, ۲ نفر ایسه یاره لنگن.
یاره لنگن کیشی لر کسل خانه گه انتقال ایتتریلرایکن, هجومچی لرنینگ اوشله نیشی اوچون عملیات باشله تیلگن لیگی معلوم قلیندی.
اوشبو هجوم نینگ مسئولیتی نی هیچ بیر تمان نینگ اوزی بوینی گه آلمه گن لیگی بلدریلماقده.