ایران نینگ هستوی مذاکره لری

بیرلشگن ملت لر تشکیلاتی خوف سیزلیک کینگشی نینگ بیش دایمی اعضاسی و آلمان بیلن تهران رهبریتی آره سیده ویانا ده دوام ایتیتگن هستوی مذاکره لر جریانی ده جدی کیلیشموچیلیک لرنینگ مطرح بولگن لیگی بلدریلماقده.
امریکا قوشمه ایالت لری تشقی ایش لر وزیری جان کری, کیلیشموچیلیک لرنینگ برطرف ایتیلیشی و جولای آیی نینگ ۲۰ نچی کونیده بیر کیلیشو نینگ تامین ایتیلیشی نینگ اهمیتی گه دقت قره تدی.
کری, آلمان, فرانسه و انگلستان تشقی ایش لر وزیر لری ییغیلیشی آلدی دن, "بیش جمع بیر اولکه لری بیلن ایران آره سیده جدی کیلیشموچیلیک لر موجود" دییه قید ایتدی.
فرانسه تشقی ایش لر وزیری لوران فابیوس ایسه, بیرگن بیانات لری ده, آغیر سو ریکتوری اراک و یورانیم نینگ باییتیلیشی خصوصیده کیلیشموچیلیک لرنینگ موجود ایکن لیگی نی ایسله تیب اوتدی.
انگلستان تشقی ایش لر وزیری ویلیام هاگ,تمان لرنینگ سیاست لری ده جدی بیر اوزگریش احتمالی نینگ موجود ایمس لیگی نی معلوم قیلدی.
هاگ, "ایران نینگ هستوی برنامه سی نینگ فقط گینه تینچ لیک سیور بیر شکل ده استفاده ایتیله دیگن لیگی گه مطمئن بولیشی میز کیره ک" دییه قید ایتدی.
تمان لر آره سیده اینگ مهم کیلیشموچیلیک موضوع لری نینگ, سنترفیوژ سانی, یورانیم باییتیش میزانی, اراک آغیر سو ریکتوری و ایران گه قره تیلگن تحریم لرنینگ بیکار قلینیشی دن عبارت ایکن لیگی بلدریلماقده.