اروپا اتفاقی امریکا قوشمه ایالتلری باشقرووی نی قاره له دی
امریکا قوشمه ایالتلری باشقرووی نینگ اروپا اتفاقی گه ینگی باجخانه نرخلری جاري اېتیشی قاره لندی
اروپا اتفاقی کمیسیونی باشلیغی اورسولا فون در لاین، دونا‌لد ترامپ رهبرلیگیده‌گی امریکا قوشمه ایالتلری باشقرووی نینگ اروپا اتفاقی گه ینگی باجخانه نرخلری جاري اېتگن تقدیرده، قتّيق جواب بېریلیشینی اعلان قیلدی.
فون در لاین بلجیم نینگ پایتختی بروکسېلده اوتکزیلگن مدافعه موضوعیده‌گی بیرینچی ییغیندن سونگ مطبوعاتگه بیانات بېردی.
27 ته اروپا اتفاقی اعضا دولتلری رهبرلری مدافعه قاله ویرسه امریکا قوشمه ایالتلری بیلن مناسبتلر مسأله‌سینی کوریب چیققنینی تأکیدله‌گن فون در لاین: " اروپا اتفاقی، امریکا قوشمه ایالتلری بیلن ساغلم و صمیمی ملاقاتگه تیار، اما عینِ پیتده امریکا قوشمه ایالتلری بیلن مناسبتلرده‌گی اساسی قیینچیلیکلردن هم خبردارمیز و بونگه تیارمیز. اروپا اتفاقی عدالتسیز یاکه اوزباشیمچه‌لیک بیلن هدفگه آلینسه، قتّيق جواب بېره‌دی"، دېدی.
فون در لاین ترامپ باشقرووی نینگ کانا‌دا و مکسیکو‌گه یوقاری باجخانه سالیقلری جاري اېتیشنی باشلشی مسأله‌سیگه توخته‌لیب: "بو نرخلر سوداگرلیک خرجتلرینی آشیرماقده، ایشچیلر و استعمالچیلرگه ضرر یېتکزماقده. اقتصادگه کېره‌کسیز ضرر یېتکزماقده و انفلاسیون‌نی آشیرماقده. بوندن یخشی نتیجه چیقیشی‌گه اونچه ایشانمه‌یمیز"، دېب بهالندېردی.
علاقه لی ینگی لیکلر
ایران دولتی امریکا قوشمه ایالتلری نی قتّیق قاره له دی
امریکا قوشمه ایالتلری ینگی رهبریتی نینگ اېران نینگ قانوني سوداسی گه توسیق بولیش بیلن عیبله ماقده
