پاکستان ده گی کورگزمه ده تورک مدافعه صنایعی محصوللری هم اورین آلماقده
پاکستان‌نینگ کراچی شهریده مدافعه صنایعی کمپنی‌لری کورگزمه سی بولیب اوتماقده
تورک مدافعه صنایعی کمپنی‌لری، پاکستان‌نینگ کراچی شهریده بوگون باشلنگن و ۲۲ نوامبرگچه دوام ایته‌دیگن IDEAS خلق‌ارا مدافعه کورگزمه‌سی و سیمیناریده محصوللرینی تنیتماقده.
بو ییل ۱۲-نچیسی تشکیل ایتیلگن IDEAS 2024گه، دنیانینگ تورت بورچه گیدن رسمی وکیللر و مدافعه صنایعی ایشلب چیقروچیلری قتنشماقده.
۲ ییلده بیر عملگه آشیریله‌دیگن و منطقه‌نینگ اینگ مهم مدافعه کورگزمه‌لریدن بیری بولگن پروگرام‌گه تورک مدافعه صنایعیدن ۲۱ کمپنی قتنشماقده.
کورگزمه دوامیده تورک مدافعه صنایعی کمپنی‌لری ایشلب چیقرگن تورلی انسانسیز ییر و هوا واسطه‌لری، زره‌لی قورال پلاتفورم‌لری، قورال، دینگیز، الکترونیک سیستملری، مهمات و لوجیستیک قوللب-قوتلش محصوللری قتنشوچیلرگه حواله قیلینه‌دی.
شونینگدیک پروگرامده، یوکسک تیکنالوژیک قابلیتلر حقیده معلوماتلر اورتاقله‌شیله‌دی و همکارلیک امکانیتلری کوریب چیقیله‌دی.
