تورکیه ده صادرات بوییچه ریکورد اورنه تیلدی

سودا وزیری عمر بولات، تورکيه جمهوریتی نینگ اینگ یوقاری اگست آییده‌گی صادرات کورستگیچلریگه ایریشیلگنینی معلوم قیلدی.

صادراتده ریکوردلر دوام ایتماقده.

سودا وزیری بولات، اگست آیی نینگ سودا معلوماتلرینی استانبولده اعلان قیلدی.

بولات نینگ ایتیشیچه، تورکيه‌ نینگ صادراتی اوتگن آیده 2،4 فایزگه اوسیب، 22 میلیارد 100 میلیون دالرگه ییتدی و بو رقم جمهوریت‌ تاریخیده‌گی اینگ یوقاری اگست صادراتی ایتیب قید ایتیلدی.

اگست آییده‌گی ریکورد بیلن بیرگه‌لیکده سونگگی 13 آی نینگ 9 آییده صادرات نینگ آیمه-آی ریکوردلر اورنه‌تگنینی ایسله‌تیب اوتگن بولات، ییللیک صادراتده هم ریکورد قید ایتیلگنینی اورغولب،

"جمهوریتیمیز تاریخیده‌گی اینگ یوقاری ییللیک مال صادراتی هم اگست آییده عملگه آشیریلدی. اگست آیی نینگ آخریگه کیلیب صادرات 262 میلیارد دالرگه ییتدی... 262 میلیارد دالر ییللیک مال صادراتی، یعنی سونگگی 1 ییلده صادراتیمیز نینگ 3،5 فایزگه اوسگنینی بیلدیره‌دی،" دیب تأکیدله‌دی.