تورکیه تجارت وزیری انگلیس کسبداشی بیلن صحبت قیلدی

تورکیه جمهوریتی تجارت وزیری عمر بولات, ویدیوکنفرانس آرقه لی, انگلستان نینگ ایش و تجارت بوییچه ینگی دولت وزیری و تجارت کینگشی باشلیغی جوناثان رینولدز بیلن صحبت قیلدی. 

بولات, اوشبو صحبت حقیده اجتماعی ترماق آرقه لی بیانات بیردی. 

بیرگن بیاناتیده بولات, "صحبتی میزده, ایکله اولکه اورته سیده گی تجارت حجمی نی آرتیریش, سرمایه گذارلیک لرنی تشویق ایتیش و همکارلیک لریمیز نی کوچه یتیریش اوچون تشله نه دیگن قدم لر حقیده سوز یوریتدیک.  اینیقسه, میلادی 2024- ییلده ایکّی تامانلمه تجارت حجمی میز نینگ 20 میلیارد دالردن آشیشی نی هدف قیلیب آلگن لیگی میز و خوددی شوو حقده قیلینه دیگن ایشلر اوستیده توخته لیب اوتدیک.  عینی دمده, تورکیه بیلن انگلستان اورته سیده کوچه یتیریلیشی ریجه لنگن ایرکین تجارت کیلیشووی مذاکره لری بیلن علاقه لی پروسه لرنی بهالنتیردیک و مذاکره لرگه انقره ده باشلش خصوصیده کیلیشیب آلدیک.  ینگی له نه آله دیگن انرژی و ترانسپورت پروژه لریده ایکّی اولکه اورته سیده گی مالی همکارلیک نینگ اهمیتی نی بهالنتیردیک" دییه قید ایتدی. 

بولات, ینگی وظیفه سیده رینولدز گه موفقیت لر تیلب قالدی.