تونس بیلن جزایر اورتهسیدهگی تیمیر یول تشیش قیته باشلندی
تونس بیلن جزایر اورتهسیدهگی تیمیر یول تشیش تخمیناً 30 ییلدن بیری توخته لیب قالگن ایدی
تونس بیلن جزایر اورتهسیدهگی تیمیر یول تشیش، تخمیناً 30 ییلدن کیین قَیته باشلندی.
تونس ترانسپورت وزیرلیگی بو موضوعگه عاید یازمه بیانات بیردی.
بیاناتده، "کوچلی تاریخي رشتهلری بولگن ایکّی دولت اورتهسیدهگی تیمیر یول تشیش، ایکّی تامانلمه علاقهلر نینگ ینهده صمیمي طرزده رواجلنیشیگه یاردم بیرهدی. جزایر نینگ تونس چیگرهسیدهگی انابا شهریدن یولگه چیققن ریل، بیرینچی یولاوچیلیگینی یکونلب، پایتخت تونس گه ییتیب باردی." دییلدی.
تیمیر یول خطی نینگ دواميلیگی و خدمت نینگ اوزلوکسیزلیگینی تأمینلش اوچون جزایر حکومتی بیلن همکارلیکده ایش آلیب باریلگنلیگی تأکیدلنگن بیاناتده، بو خط آرقهلی ایکّی دولت اورتهسیدهگی توریزم نینگ قَیته جانلنیشی، چیگره شهرلریدهگی سودانینگ آشیشی تأکیدلندی.
بیاناتده، یولاوچی تشیش عملگه آشیریلهدیگن تیمیر یول خطیده یقین وقت ایچیده یوک ریللری نینگ هم خدمتگه قوشیلیشی اوچون ایشلر دوام ایتتیریلهیاتگنی قید ایتیلدی.
تونس بیلن جزایر اورتهسیدهگی تیمیر یول خطی، 1995 ییلده خوفسیزلیک سببلری طفیلی سفرلری توختهتیب قوییلگن ایدی.
2003 ییلده قیسقه مدت خدمتگه آچیلگن خط، تخنیکي ناسازلیکلر طفیلی ینه توختهتیب قوییلگن ایدی.
علاقه لی ینگی لیکلر
تورکیه کوپلب اولکه لر گه عسل صادر قیلماقده
اوشبو حقده شرقی قاره دینگیز صادراتچی لر بیرلیگی رهبرلیک کینگشی باشلیغی معلومات بیردی
