پوتین: تورکیه ده قوریلیشی ریجه لنگن طبیعی گاز مرکزی گه قیزیقیش جوده کتته

روسیه جمهوررئیسی ولادیمیر پوتین, تورکیه ده قوریلیشی ریجه لنگن طبیعی گاز مرکزی گه کوپلب اولکه لرنینگ قیزیقیش کورسه تیاتگن لیگینی بیلدیردی. 

پوتین, روسیه پایتختی مسکوده بولیب اوتگن روسیه انرژی هفته سی ییغیلیشیده معروضه قیلدی. 

تورکیه ده قوریلیشی ریجه لنگن طبیعی گاز مرکزی بیلن علاقه لی گپیرگن پوتین, پروژه گه آذربایجان نینگ قیزیقیش کورسه تیاتگن لیگینی معلوم قیلدی. 

ایش لر آلغه کیتگن سری باشقه اولکه لرنینگ هم اوشبو پروژه گه قوشیلیشی نی کوتیاتگن لیک لرینی بیلدیرگن پوتین, "بو ییرده اینیقسه اروپا قطعه سی گه قره ته طبیعی گاز تجارتی اوچون الکترونیک بیر پلاتفرم دن بحث ایتماقده میز.  اوشبو پروژه گه تورک دوست لری میز, بیز و اروپا ده روس منبع لری نی خواهلیاتگن همه قیزیقیش کورستماقده" دییه قید ایتدی. 

پوتین, تورک آقیم و ماوی آقیم آرقه لی تورکیه گه طبیعی گاز نینگ انتقال ایتدیریلیشی نی موثر بیر شکلده دوام ایتدیریاتگن لیک لری و اوشبو زیربنا نینگ کیله جکده کینگیتیریلیشی نینگ ممکن لیگینی بیلدیردی.