روسیه پطرولی نینگ اوکراین آرقه لی اوروپا گه اوتیشی توخته تیلدی

اوشبو توغریده یازمه بیانات بیریلدی

1865756
روسیه پطرولی نینگ اوکراین آرقه لی اوروپا گه اوتیشی توخته تیلدی

روسیه پطرولی نینگ اوکراین آرقه لی اوروپا گه انتقال ایتتیریلیشی توخته تیلدی. 

روس پطرول قووری شرکتی ترانس نفت (Transneft) تامانیدن بیریلگن یازمه بیاناتده, روسیه پطرولی نینگ اوکراین آرقه لی هنگری, سلواکیا و چک جمهوریتی گه تشووچی دروژبا قووری نینگ جنوبی قسمی اوچون اوکرترانس نفت (Ukrtransnafta) شرکتی گه آلدین دن پول توله شی کیره ک ایکن لیگی بیلدیریلدی. 

پطرول نینگ انتقال ایتتیریلیشی اوچون اوکرترانس نفت گه تولنگن پول نینگ ترانس نفت گه قیتیب کیتگن لیگی بیلدیریلگن بیاناتده, پول نینگ اوروپا اتفاقی نینگ تحریم لری سببلی توله نه آلمه گن لیگی گه دقت قره تیلدی. 

پول نینگ تولنمه گن لیگی سببلی اوکرترانس نفت نینگ ترانس نفت گه پطرول یوباریش نی توخته تیب قویگن لیگی و شوباعث روسیه پطرولی نینگ هنگری, سلواکیا و چک جمهوریتی آرقه لی انتقال ایتتیریلیشی نینگ 4- آگست دن باشلب توخته تیلگن لیگی بیلدیریلدی. 

شرکت نینگ دروژبا قووری نینگ باشقه بولیم لریده پطرول انتقالی نینگ ایسه دوام ایتیاتگن لیگی, بلاروس آرقه لی پولند و آلمان گه پطرول ییتیشتیریلیب بیریلیشی بوییچه هیچ قنده ی بیر معما نینگ موجود ایمس لیگی معلوم قیلیندی.



علاقه لی ینگی لیکلر