اسپانیا لیگی باشقرووی پاریس سن جرمن بیلن منچستر سیتینی قاره لب شکایت ایتدی

اروپا فوتبال بیلله شوولری اداغگه ییتیب باریشی بیلن فوتبالچی آلیب – ساتیشلری هم باشله دی.

انچه بویوک جماعه لر اوزینی کوچه یتیریش اوچون کتته پول خرجت قیلیب بارماقده.

شو دایره ده پاریس سن جرمن نینگ کلیان ایمباپی بیلن منچستر سیتی نینگ ایرلینگ هالند بیلن کیلیشیب آلیشی گه لالیگا (اسپانیا لیگی) باشقرووی ناراضیچیلیک بیلدیردی.

اسپانیا لیگی (لالیگا) پاریس سن جرمن بیلن منچستر سیتی نینگ بازارنی خراب قیلگن لیگی بیلن عیبلب اروپا فوتبال بیرلیگی باشقرووی UEFA گه شکایت ایتدی.

لالیگا باشلیغی جاویئیر تیباس ایککی جماعه قیلگن خرجتلرنینگ صنعی بیر بازار یراتیلیشی گه سبب بولیب فوتبال بازاری گه زیان ییتکیزگن لیگینی ادعا ایتدی.

لالیگا 2017 – 2018 ییللریده هم پاریس سن جرمن بیلن منچستر سیتی نی شونده ی عیبلب اروپا فوتبال بیرلیگی باشقرووی UEFA گه شکایت قیلرکن جزا آلیشی گه سبب بولگندی. بیراق سپورت سودی تامانیدن بو جزا توخته تیلگندی.