تورکیه نینگ ریزه ولایتی تورت آیده چای صادراتی دن اوچ میلیون دالر گه یقین عایدات قولگه کیریتدی

تورکیه نینگ ریزه ولایتی جاری ییل نینگ جنوری-اپریل آی لری آره سیده قیلینگن چای صادراتی دن 2 میلیون 869 مینگ 310 دالر عایدات قولگه کیریتدی. 

شرقی قاره دینگیز صادراتچی لر اتفاقی رهبرلیک کینگشی باشلیغی نینگ اورینباسری احمد حمدی گوردوغان, ریزه دن جاری ییل نینگ دستلبکی تورت آییده 19 اولکه گه چای صادر قیلگن لیگی نی بیلدیردی. 

گوردوغان, خوددی شوو دور نینگ اوزیده 1045 تن چای صادراتی دن 2 میلیون 869 مینگ 310 دالرلیک عایدات قولگه کیریتیلگن لیگی نی معلوم قیلدی. 

گوردوغان, "بلجیم, اوکراین و امریکا قوشمه ایالتلری اینگ کوپ چای صادر قیلینگن اولکه لردن عبارت بولدی.  بلجیم گه بیر میلیون 660 مینگ 323, اوکراین گه 297 مینگ 873 و امریکا قوشمه ایالتلری گه 152 مینگ 978 دالرلیک چای صادر قیلیندی"  دییه قید ایتدی. 

صادرات قیلینیاتگن اولکه لر سانی نینگ کونساین آرتیب باریاتگن لیگی نی بیلدیرگن گوردوغان, اوتگن ییل نینگ خوددی شوو دوری دن فرقلی اوله راق میلادی 2022- ییل نینگ دستلبکی 4 آییده بیرلشگن عرب امیرلیک لری, کانادا, سنگال, اوزبیکستان, مالدوا, مالتا و آلبانیا گه هم چای صادر قیلینگن لیگی نی بیلدیردی.