تورکیه جمهوریتی انرژی و طبیعی منبع لر وزیری نینگ تورکیه گازی توغریسیده گی مهم  سوزلری

اوشبو توغریده تویتر آرقه لی بیانات بیریلدی

1737116
تورکیه جمهوریتی انرژی و طبیعی منبع لر وزیری نینگ تورکیه گازی توغریسیده گی مهم  سوزلری

قاره دینگیزده تاپیلگن تورک علی- 2 قودوغی مخزن- 1 تستی, کونده لیک 650 مینگ متر مکعب لیک آقیش بیلن دوام ایتماقده. 

تورکیه جمهوریتی انرژی و طبیعی منبع لر وزیری فاتح دونمز, تویتر آرقه لی بیرگن بیاناتیده, 28 جولایده تورک علی- 2 قودوغی مخزن -2 و مخزن- 3 تست لری نینگ موفقیت بیلن تکمیل بولگن لیگی نی معلوم قیلدی. 

دونمز, قاره دینگیزده گی گاز بوییچه فعالیت لر توغریسیده بیرگن بیاناتیده, "میلادی 2021- ییل 28 جولایده تورک علی- 2 قودوغی مخزن- 2 و مخزن- 3 تستی موفقیت بیلن تکمیل بولدی.  2021- ییل 20 نوامبرده تورک علی – 2 قودوغی مخزن – 1 تستی, کونده لیک 650 مینگ متر مکعب گه کوتریلگن حالده دوام ایتماقده.  قاره دینگیز گازی بوییچه 2023 هدفی میز انیق.  باسقیچ مه باسقیچ آلغه کیتماقده میز" دییه قید ایتدی. 

دونمز, تورکیه نینگ انتالیا ولایتیده بولیب اوتگن 11- تورکیه انرژی ییغیلیشیده قیلگن معروضه سیده, ساکاریا گاز ساحه سی بوییچه برچه تخنیکی فعالیت لرنینگ تکمیل بولگن لیگی نی بیلدیردی. 

فاتح دونمز, "کیفیتلی نل لر بوییچه بویورتمه بیردیک.  2022- ییل نینگ بهاریده سوونینگ تگی گه نل لرنی جایلشتیریب بیرینچی ولدینگ نی قیله میز" دییه قید ایتدی. 

دونمز, تورتینچی برمه کارلیک کیمه سی نینگ هم 2022- ییل نینگ بهار آی لریده تورکیه گه کیله دیگن لیگی نی معلوم قیلدی. 

فاتح دونمز, اوز سوز لری نی, "تورتینچی کیمه میز ایککی برج گه ایگه بولیب, قتتیق دینگیز شرایطیده فعالیت آلیب باریش قابلیتی گه ایگه.  یوقاری باسیم گه ایگه مخزن لرده هم خوفسیز بیر شکلده فعالیت یوریتیشی ممکن" شکلیده دوام ایتتیردی.



علاقه لی ینگی لیکلر