تورکیه نینگ ایتالیا گه صادراتی ریکورد درجه گه ییتدی

تورکیه نینگ اوکتوبر آییده ایتالیا گه قیلگن صادراتی آیلیک مقیاسده ریکورد درجه گه ییتدی. 

تورکیه نینگ صادراتی, جاری ییل نینگ اوکتوبر آییده میلادی 2020- ییلده خوددی شوو دوری بیلن سالیشتیریلگنده 19,2 فایز مقیاسیده آرتیب کیتدی.  شونده ی قیلیب تورکیه نینگ صادرات میزانی 19 میلیارد 76 میلیون 662 مینگ دالر گه کوتریلدی. 

اوتگن ییل نینگ خوددی شوو دوری بیلن سالشتیریلگنده اوکتوبر آییده تورکیه نینگ ایتالیا گه قیلگن صادراتی 24 فایز گه آشیب 1 میلیارد 26 میلیون 126 مینگ دالر گه کوتریلیب کیتدی.

شونده ی قیلیب ایتالیا, تورکیه نینگ اینگ کوپ صادرات قیلگن تورتینچی اولکه اوله راق ثبت ایتیلدی. 

اوکتوبر آییده اینگ کوپ صادرات قیلینگن ایلک اوچ اولکه ایسه بیر میلیارد 560 میلیون 366 مینگ دالر بیلن آلمان, بیر میلیارد 179 میلیون 141 مینگ دالر بیلن بریتانیا و 1 میلیارد 150 میلیون 18 مینگ دالر بیلن امریکا قوشمه ایالتلریدن عبارت بولدی.