امریکا قوشمه ایالتلری تامانیدن افغانستان گه میلیونلب دالر اطرافیده بشری یاردم ییتکیزیب بیریله دی

امریکا قوشمه ایالتلری تامانیدن افغانستان گه 144 میلیون دالر اطرافیده قوشیمچه بشری یاردم ییتکیزیب بیره جگی بیلدیریلدی.

امریکا قوشمه ایالتلری تشقی ایشلر وزیری انتونی بلینکن نشر قیلگن یازمه بیاناتده افغانستانده دوام ایتیب تورگن بشری بحراندن تاثیرلنگنلرگه 144 میلیون دالر اطرافیده قوشیمچه بشری یاردم ییتکیزیب بیره جکلرینی شونده ی بولیب امریکا قوشمه ایالتلری نینگ جاری ییلده افغانستان و منطقه ده گی افغانستانلیک قاچقینلر اوچون ییتکیزیب بیرگن توپلم یاردم نینگ 474 میلیون دالر بولیشیدن خبر بیردی.

بلینکن خوددی شو قوشیمچه بشری یاردم نینگ کینگ کولملی خوفسیزلیک تیکشیرووی و کوزه توونینگ آرتیدن بیرلشگن ملتلر تشکیلات (بمت) قاچقینلر یوکسک کمیشنرلیگی، بیرلشگن ملتلر تشکیلاتی باله لرگه یاردم فندی (یونیسیف)، بیرلشگن ملتلر تشکیلاتی خلق ارا کوچ گروهی، دنیا ساغلیقنی سقلش گروهی کبی موسسه لرنینگ قاله ویرسه خلق ارا موسسه لر و نادولت تشکیلاتلریگه توغریدن توغری ییتکیزیب بیریله جگی گه اشاره قیلدی.

یاردم نینگ قوشنی مملکتلرده گی افغانستانلیک قاچقینلر قاله ویرسه منطقه ده گی احتیاجی بولگن 18 میلیوندن آرتیق افغانستانلیک که توغریدن توغری یاردم تامین ایتیله جگینی قید ایتدی. بلینکن شونده ی بولیب اورتاقلری نینگ قوریقلش، آذیق – اوقات خوفسیزلیگی یاردمی، ساغلیقنی سقلش خذمتلری، قیش شرطلریگه تیارگرلیک تیارگرلیک یاردمی، عاجل یاردم ییتکیزیب بیریشلری ممکن ایکن لیگینی تاکییدله دی.

بلینکن افغانستان بیلن قوشنی بولگن و افغانستانلیک قاچقینلرگه میزبانلیک قیلگن اولکه لرگه هم "خلق ارا قوریقلش طلب ایتگن افغانستانلیکلرگه چیگره لرینگیزنی آچیب قویینگ" دیب چقیریق قیلدی.