افغانستان اقتصادی نینگ قولش عرفه سیده ایکن لیگی بیلدیریلدی

اوشبو مطلب نی بیرلشگن ملتلر تشکیلاتی دنیا آذیق - اوقوات پروگرامی افغانستان نماینده سی بیلدیردی

1716098
افغانستان اقتصادی نینگ قولش عرفه سیده ایکن لیگی بیلدیریلدی

بیرلشگن ملتلر تشکیلاتی دنیا آذیق – اوقات پروگرامی افغانستان نماینده سی ماری ایلن مک گرورتی افغانستانده انسانلرنینگ آذیق – اوقات آلیش اوچون اویده گی اشیالرینی ساتیش گه باشله گن لیگینی معلوم قیلیب شونی ایتدی:

"افغانستانده اقتصاد چوکیب بارماقده" دیدی.

مک گرورتی پایتخت کابلده ویدیو کنفرانس آرقه لی اوتکزگن مطبوعاتی کنفرانسده اولکه ده گی انسانی بحران نینگ تیزلشیب بارگن لیگی گه دقت قره تدی.

افغانستانده 18 میلیون انسان نینگ یاردم گه مهتاج وضعیت گه ایکن لیگینی، 14 میلیون انسان نینگ آذیق – اوقات خوفی گه دوچ قالگن لیگینی تیلگه آلگن مک گرورتی 2 میلیون باله نینگ ایسه آذیق – اوقات تنقیسلیگی بیلن دوچ قالگن لیگینی افاده ایتدی.

مک گرورتی طالبان نینگ 15 آگستده اولکه ده کنترول نی قولگه کیریتیب آلیشی نینگ آرتیدن افغانستان نینگ دارائی سی نینگ توخته تیلیشی نینگ یوق قیلیووچی نتیجه لری بولگن لیگینی اورغوله دی.

مری ایلن مک گرورتی، افغانستانلیکلرنینگ بانکلردن هفته ده فقط 200 دالر آلیشی نینگ ممکن ایکن لیگینی و معاشلرنینگ حلی گچه بیریلمه گن لیگینی بیلدیردی.   

امریکا قوشمه ایالتلری بیلن طالبان اورته سیده 2020 ییلی فبروری آییده بولیب اوتگن کیلیشوو دایره سیده جاری ییلده خلق ارا کوچلرنینگ افغانستاندن چیقیشی بیلن باشله گن جریان نینگ آرتیدن پایتخت کابل نی اوگیریب آلگن طالبان 15 آگست تاریخیده جمهور باشلیغی اشرف غنی نینگ اولکه نی ترک ایتیب قاچیشی بیلن توقنه شووسیز بیر شکلده کنترولنی طالبان قولگه کیریتیب آلگندی.

امریکا قوشمه ایالتلری 31 آگستده افغانستاندن چیقیش جریانینی یکونله گندی.



علاقه لی ینگی لیکلر