تورکیه قیرغیزستان بیلن بولگن تجارت حجمی نی آرتیرماقچی

تورکیه جمهوریتی تشقی ایش لر وزیری نینگ اورینباسری یاووز سلیم قیران قیرغیزستان بیلن بولگن تجارت حجمی نی بیر میلیارد دالر گه آرتیریش نی و حتی بوندن هم آرتیق بولیشی نی آرزو قیلیاتگن لیک لری نی معلوم قیلدی. 

یاووز سلیم قیران و قیرغیزستان نینگ انقره ایلچیسی قوبانیچبیک عمرعلی یف نینگ اشتراکی بیلن تشقی ایش لر وزیرلیگی نینگ سونا چوکگور ایلیجاق صنعت گالریسیده, قیرغیزستان جمهوریتی مستقل لیگی نینگ 30 ییل لیگی مناسبتی بیلن عکس کورگزمه سی بولیب اوتدی. 

خوددی شوو ییر نینگ اوزیده معروضه قیلگن قیران, تورکیه بیلن قیرغیزستان اورته سیده گی دیپلماتیک مناسبت لرنینگ 30  ییللیگی مناسبتی بیلن تبریک بیلدیردی. 

قیران, تورکیه بیلن قیرغیزستان اورته سیده گی کیلیشوو لرنی تطبیق قیلیش بوییچه قرارلیک ایکن لیک لری نی معلوم قیلدی. 

قیران, "اورتاق قدم لر بیلن انشاءالله قیسقه بیر مدت مابینیده قیرغیزستان بیلن بولگن تجارت حجمی نی بیر میلیارد دالر هدفی گه ییتکیزیش و اوندن هم آشیریش نی آرزو قیلماقده میز" دییه قید ایتدی. 

اوشبو کورگزمه گه, دیپلمات لر و دعوت ایتیلگن باشقه کوپلب کیشی لر اشتراک قیلدی.