جمهوررئیس ایردوغان نینگ کانال استانبول توغریسیده گی مهم سوز لری

ایردوغان اجتماعی ترماق آرقه لی بیانات بیردی

1665418
جمهوررئیس ایردوغان نینگ کانال استانبول توغریسیده گی مهم سوز لری

تورکیه جمهوریتی جمهوررئیسی رجب طیب ایردوغان, تورکیه نینگ رواجله نیش تاریخیده ینگی بیر دور باشلتگن لیک لری نی معلوم قیلرایکن, کانال استانبول پروژه سی سازلی دره کوپریگی نینگ تهدابی نی قویگن لیک لری نی بیلدیردی. 

جمهوررئیس ایردوغان, اجتماعی ترماق آرقه لی بیرگن بیاناتیده, تورکیه و ملت گه اثر قازانتیریش کوره شی نی دوام ایتتیره دیگن لیک لری نی معلوم قیلدی. 

کانال استانبول پروژه سی نینگ 2011- ییل 27- اپریل کونی اعلان قیلینگن لیگی نی بیلدیرگن ایردوغان, "11 عالی بیلیم یورتی دن 51 استاد بیلن توپلم 204 متخصص وظیفه اجرا قیلدی.  دیزاین بوییچه فعالیت لرده 35 اولکه دن 3 مینگ 5 یوز کیشی اورین آلدی.  304 جای ده 17 مینگ متر دن کوپ برمه کارلیک, 248 جیوفزیک تحقیقات لری عملگه آشیریلدی.  علمی تدقیقات لر نتیجه سیده 5 فرقلی الترناتیف آره سیدن اینگ معقول و اینگ مفید یول انیقلندی" دییه قید ایتدی.

ایردوغان, 45 کیلومتر اوزونلیک, 275 متر کینگیشلیک, 20,75 متر چقورلیککه ایگه بوله دیگن لیگی نی بیلدیردی. 

عینی دمده ایردوغان, کانال استانبول نینگ اوستی گه 6 کوپریک نینگ قوریله دیگن لیگی نی معلوم قیلدی. 

جمهوررئیس ایردوغان کانال استانبول سازلی دره کوپریگی نینگ 1618 متر اوزونلیک و 46 متر پلاتفرم کینگیشلیگی گه ایگه بوله دیگن لیگی نی ایسله تیب اوتدی. 

ایردوغان, بشاق شهر- باغچه شهر- حمدی کوی بولیمی نینگ تکمیل بولیشی بیلن, کاربن ترقه لیشی نینگ 32 مینگ 126 تن مقداری ده کمه یه دیگن لیگی نی معلوم قیلرایکن, زمان دن 641,7 میلیون و یاقیلغی دن ایسه 75,5 میلیون تورک لیره سی بوله دیگن شکلده ییلده توپلم 717,2 میلیون تورک لیره سی کم مصرف قیلینگن بوله دیگن لیگی نی بیلدیردی. 



علاقه لی ینگی لیکلر