تورکیه – الجزایر اورته سیده گی کیلیشوو جمهور باشلیغی تبون تامانیدن قبول بولیب قول قوییلدی

اوشبو کیلیشوو رسمی گزیته ده یایینلندی

1651645
تورکیه – الجزایر اورته سیده گی کیلیشوو جمهور باشلیغی تبون تامانیدن قبول بولیب قول قوییلدی

الجزایر جمهور باشلیغی عبدالمجید تبون اولکه سی بیلن تورکیه اورته سیده یولاوچی و تجاری مال تشووچیلیگینی اوز ایچی گه آلگن دینگیز سیرو سفر کیلیشووینی قبول ایتدی.

عبدالمجید تبون تامانیدن 5 می تاریخیده قول قوییلگن جمهور رئیسلیک قرارنامه سی توناون کونی رسمی گزیته ده یایینلندی. قبول قیلینگن بو کیلیشووگه بناً ایککی اولکه کیمه توزه تیش و قیته قوریش قاله ویرسه بندر توزه تیش بوییچه تخنیکی همکارلیک بوله دی.

ایککی اولکه اورته سیده یولاوچی سفرلری و تجاری حجم نی آرتیره دیگن کیلیشوو 1998 – ییل 25 می تاریخیده بولیب اوتگن حالده بوگونگچه الجزایر باشقرووی تامانیدن قبول قیلیب تصدیقلنمه گندی.

تورکیه بیلن الجزایر اورته سیده گی تجاری حجم 3،5 الی 4،2 میلیارد دالر اطرافیده بولیب ایککی اولکه مسؤللری بو تجارت حجمینی 5 میلیارد دالرگه کوترماقچی ایکن لیکلرینی تیلگه آلگندی.

جمهور باشلیغی تبون چهارشنبه کونی فرانسیز مجله سی بولمیش "لی پوئینت" گه بیرگن بیاناتده اولکه سی نینگ "بونگه قرشی هیچ بیر سیاسی طلبی بولمه ی 5 میلیارد دالرلیک سرمایه کیریتگن تورکلر بیلن جوده یخشی مناسبت گه صاحب بولگن لیکلرینی" ایتگندی.  



علاقه لی ینگی لیکلر