امریکا قوشمه ایالتلری افغانستان گه یوزلب میلیون دالر یاردم ایتیب بیره دی

امریکا قوشمه ایالتلری تشقی ایشلر وزیری انتونی بلینکن اولکه سی نینگ افغانستانگه 300 میلیون دالرلیک قوشیمچه ملکی یاردم ییتکیزیب بیره جگینی بیلدیردی.

امریکا قوشمه ایالتلری نینگ افغانستانده گی عسکرلرینی 11 سپتامردن آلدین بوتنله ی چیقریش قراری بحث موضوعی بولیب دوام ایتماقده.

بلینکن موضوع بیلن تیگیشلی بیرگن یازمه بیاناتده واشنگتن نینگ کابل گه یاردم بیریش گه دوام ایته جگینی معلوم قیلدی.

  امریکا قوشمه ایالتلری تشقی ایشلر وزیری انتونی بلینکن شولرنی ایتدی:

"افغانستان خلقی گه کمک ویا سرمایه کیریتیش وعده سی نینگ بیر پارچه سی اوله راق 2021 ییلی امریکا قوشمه ایالتلری تشقی ایشلر وزیرلیگی و امریکا قوشمه ایالتلری خلق ارا ترقیات آژانسیدن افغانستانگه 300 میلیون دالرلیک قوشیمچه ملکی یاردم ییتکیزیب بیریلیشی اوچون کنگره بیلن فعالیت آلیب بارماقده میز" دیب ایتدی.

بو یاردم نینگ در اصل 2020 ییلی نوامبر آییده اویوشتیریلگن افغانستان بخشیشچیلری کنفرانسیده تعهد ایتیلگن لیگینی ایتگن بلینکن شونده ی بولیب افغانستان گه امریکا قوشمه ایالتلری نینگ کمکی نینگ دوام ایتیب تورگن لیگینی کورستیش اوچون بوگون کون ترتیبی گه کیلگن لیگینی قید ایتدی.

بلینکن بو یاردملرنینگ افغانستان خلقی گه بیریلگن ملکی خذمتلرنی رواجلنتیریلیشی گه استفاده قیلینه جگینی معلوم قیلیب؛

"امریکا قوشمه ایالتلری حربیلرینی چیقریش گه باشلرکن افغانستانده دایمی و عادل بیر تینچلیک و افغانستان خلقی اوچون بوندن هم آیدین بیر کیلجک تامین ایتیش اوچون ملکی و اقتصادی یاردملریمیزدن ایش آله میز" دیب ایتدی.