تورک عیال کرونا ویروس گه قرشی واکسین ایشلب چیقاردی

اوشبو موفقیت یونسکو تامانیدن هم مقتاوگه سزاوار دیب تاپیلدی

1582776
تورک عیال کرونا ویروس گه قرشی واکسین ایشلب چیقاردی

بیرلشگن ملت لر تعلیم, بیلیم و فرهنگ تشکیلاتی (یونسکو), تورک داکتر اوزلَم توره جی نینگ ینگی تور کرونا ویروس (کووید 19) گه قرشی واکسین ایشلب چیقاریلیشی بوییچه اینگ مهم عالمه عیال لر دن بیری ایکن لیگی نی بیلدیردی. 

یونسکو اوشبو توغریده تویتر آرقه لی بیانات بیردی.  بیاناتده, "داکتر اوزلم توره جی, کووید 19 گه قرشی واکسین ایشلب چیقاریلیشی بوییچه اینگ مهم عالمه عیال لر دن بیری" دییه قید ایتیلدی. 

توره جی بیرگن بیر بیاناتیده, "کیملیک نینگ منفی بیر تامانی یوق.  یمان بولگن نرسه اونینگ سیاسی لشتیریلیشی دن عبارت" دیگن ایدی. 

یونسکو نینگ بیاناتیده, توره جی نینگ خوددی شوو بیاناتی گه هم اورین اجره تیلدی. 

آلمان نینگ بایونتیک شرکتی نینگ اساسچی لری دن بیری بولگن پروفیسر داکتر اوغور شاهین و عیالی اوزلم توره جی, کووید 19 گه قرشی واکسین ایشلب چیقاردی.  بایونتیک جاری ییل ده دنیا نینگ فرقلی اولکه لریده گی 6 مرکزی ده توپلم 2 میلیارد دوز واکسین ایشلب چیقاریش نی ریجه له ماقده. 

اوزلم توره جی, اوشبو شرکت ده 10 ییل کلینیک و علمی مشوره کینگشی اعضاسی بولیشی آرتیدن 2018- ییلده مذکور شرکت نینگ رهبرلیک کینگشی اعضا لری دن بیری بولدی.  توره جی طبی اداره چی اوله راق اوشبو شرکت نینگ کلینیک رواجله نیش بولیمی نی هم باشقره باشله دی. 



علاقه لی ینگی لیکلر