پاکستان: امریکا نینگ تورکیه گه قرشی تحریم قراری بوییچه قیغولی میز

پاکستان, امریکا قوشمه ایالتلری نینگ تورکیه گه قره تیلگن تحریم قراری بوییچه جوده قیغولی ایکن لیگی نی بیلدیردی.

پاکستان تشقی ایش لر وزیرلیگی تامانیدن بیریلگن بیاناتده, پاکستان نینگ اخلاقی اصول جهتی دن هر قنده ی بیر اولکه گه قرشی بیر تامانلمه قیین تدبیر لر نینگ آلینیشی گه مخالف ایکن لیگی معلوم قیلیندی. 

بیاناتده, پاکستان نینگ تورکیه نینگ منطقه و خلق ارا مقیاسده تینچلیک و برقرارلیک نینگ تامین ایتیلیشی بوییچه رولی نی قبول و تقدیر ایتیاتگن لیگی معلوم قیلینرایکن, اسلام آباد رهبریتی نینگ امریکا قوشمه ایالتلری نینگ تورکیه گه قره تیلگن تحریم قراری بوییچه جوده قیغولی ایکن لیگی بیلدیریلدی. 

پاکستان خلقی و حکومتی نینگ ملی خوفسیزلیک, تینچلیک و رفاه توغریسیده گی سعی و حرکت لری اوچون تورک خلقی و حکومتی نی قوللب- قوتلیاتگن لیگی ینه بیر مرته بیلدیریلگن بیاناتده, اسلام آباد رهبریتی نینگ اوشبو اورتاق هدف گه نایل بولیش اوچون هردایم تورک خلقی و حکومتی نینگ یانیده بوله دیگن لیگی معلوم قیلیندی.