اوروپا بیرلیگی افغانستان گه 1,2 میلیارد یورو یاردم بیره دی

اوروپا بیرلیگی, افغانستان گه 2021 و 2025- ییل لر آره سیده توپلم 1,2 یورو یاردم بیره دیگن لیگی نی معلوم قیلدی.

اوشبو مطلب نی اوروپا کمیسیونی نینگ خلق ارا اورتاق لیک لر بوییچه مسئول اعضاسی یوتا اورپیلاینن بیلدیردی. 

عینی دمده اورپیلاینن, افغانستان ده دموکراتیک له شیش, اوزلوکسیز رواجله نیش و چاغداش له شیش بوییچه هم حصه قوشه دیگن لیک لری نی معلوم قیلدی.

اورپیلاینن, اوروپا بیرلیگی نینگ افغانستان ده اداره نینگ یخشی لشتیریلیشی و اداری فساد نینگ کمه یتیریلیشی گه حصه قوشیش نی ریجه له گن لیگی نی بیلدیردی. 

اوروپا بیرلیگی تشقی علاقه لر و خوفسیزلیک سیاستی عالی نماینده سی جوزیپ بوریل هم, "افغانستان خلقی, مرفه و تینچ بیر اولکه اوچون اوروپا بیرلیگی نینگ حمایه سی گه ایشانیشی ممکن. بیراق اوشبو حمایه میز دموکراسی, انسان حق لری و اجتماعی آلغه سیلجیش لرنینگ قورینیشی گه باغلیق" دییه قید ایتدی. 

افغانستان نینگ رواجله نیشی نینگ قوللب- قووتله نیشی اوچون هر 4 ییلده بیر مرته بولیب اوتیاتگن خلق ارا کنفرانس گه, 70 گه یقین اولکه و خلق ارا نادولت تشکیلات لر اشتراک ایتماقده.