تورکیه اوچه دیگن موتر تولید قیلدی

اوشبو اوچه دیگن موتر نینگ دستلبکی اوچیش سیناوی موفقیتلی اوتدی

1491573
تورکیه اوچه دیگن موتر تولید قیلدی

بایکار شرکتی تامانیدن ایشلب چیقاریلگن تورکیه نینگ بیرینچی اوچه دیگن موتری دن عبارت "جزری" دستلبکی اوچیش سیناوی نی موفقیت بیلن تکمیل قیلدی. 

اوشبو اوچه دیگن موتر نینگ تست لری 11 سپتامبر ده باشله دی. 

تورک انجنیر لر تامانیدن دیزاین ایتیلیب ایشلب چیقاریلگن جزری, 230 کیلوگرام لیک پروتوتایپ اوچیش تستی ده 10 متر یوقاری گه اوچدی. 

بایکار شرکتی نینگ تخنیک مدیری سلجوق بیرقدار, "کیلگوسیده ینه ده رواجلنگن پروتوتایپ لر تیارلیمیز.  ایچی ده انسان بولگن حالده اوچیره میز" دییه قید ایتدی. 

اوشبو اوچه دیگن موتر کیله جک ده یولاوچی تاشیدیگن و کارگو اوچون استفاده ایتیله دیگن شکلده دیزاین ایتیلدی. 

اوشبو برقی موتر قوشیمچه اوچ عقللی اوچیش سیستمی گه ایگه بوله دی.

خوددی شوو اوچه دیگن موتر نینگ, بیر ساعتده 100 کیلومتر مسافه نی طی قیلیشی, 2000 متر یوقاری گه اوچیشی و 1 ساعت هواده قالیب 70- 80 کیلومتر لیک مسافه گه باره آلیشی هدف قیلیب آلینماقده.    



علاقه لی ینگی لیکلر