تورکیه ده ایاصوفیه مسجدی اوچون پول باسیلدی

ایاصوفیه جامع مسجدی نینگ قیته باشدن عبادت گه آچیلیشی گه خاص پول باسیلدی.

تورکیه جمهوریتی خزانه و مالیه وزیرلیگی نینگ ضرابخانه و تامغه مطبوعه سی عمومی ریاستی تامانیدن بیریلگن بیانات گه کوره, بیر لیره لیک اوشبو پول لر نینگ آرقه قسمی گه ایاصوفیه جامع مسجدی نینگ تصویری باسیلگن. 

اوشبو پول لر بوگون دن باشلب تورکیه ده استفاده ایتیله باشلندی. 

کیلکسیونر لر اوچون آچیلیش گه مخصوص بازار گه چیقه دیگن اینگ کوپ 5 مینگ ته کومیش و 10 مینگ ته ایسه برونز ایسده لیک پول باسیلدی. 

کومیش ایسده لیک پول لر نینگ 185 تورک لیره سی گه, برونز ایسده پول لر نینگ ایسه 55 تورک لیره سی گه سندی بیلن بیرگه اوشبو اداره نینگ استانبول بیشیکتاش ده گی ریاستی بناسیده اورین آلگن مغازه سیدن و همده انترنت آرقه لی آلینیشی ممکن. 

خزانه و مالیه وزیری برات آلبیرق تویتر آرقه لی بیرگن بیاناتیده, "ضرابخانه میز تامانیدن باسیلگن ایاصوفیه مسجدی پول لری تاریخی بیر ینگیلیک دن عبارت بولدی" دییه قید ایتدی.