اروپا بیرلیگی کمیسیونی قاچقینلر اوچون یوزلب میلیون یورو فند اجره تدی

سوریه لیک قاچقینلرنینگ باله لری نینگ تعلیم و تربیه لری اوچون اجره تیلگن

1443091
اروپا بیرلیگی کمیسیونی قاچقینلر اوچون یوزلب میلیون یورو فند اجره تدی

اروپا پارلمانی بودجه کمیسیونی، تورکیه ده گی قاچقینلرنی قوللب – قوتلش پروگراملری اوچون 485 میلیون یورو قوشیمچه فند اجره تدی.

بلجیم نینگ پایتختی بروکسلده ییغین اوتکزگن اروپا پارلمان بودجه کمیسیونی سوریه لیک قاچقینلرگه میزبانلیک قیلیب تورگن تورکیه، اردون و لبنان گه قوشیمچه همکارلیک بوییچه تقدیم ایتیلگن لایحه تکلیفی اوچون جلسه اوتکزدی.

جلسه ده بولیب اوتگن رای گیرلیکده اوشبو لایحه تکلیفی 33 ته قبول رای و 4 ته رد رای بیلن قبول بولیب چیقدی.

بو لایحه تکلیفی گه کوره، تورک قیزیل یریم آی و بیرلشگن ملتلر تشکیلاتی دنیا غذا پروگرامی چوکاتیده بیریلگن قیزیل یریم آی کارت و سوریه لیک قاله ویرسه ایریم قاچقین باله لرنینگ تعلم و تربیه لری نینگ دوام ایتتیریلیشی بوییچه شرطلی تعلیم پروگرامی اوچون توپلم 485 میلیون یورو فند اجره تیله دی.

اروپا بیرلیگی لبنان و اردونده گی قاچقینلرنینگ تعلیم و تربیه لری بوییچه تورلی پروزه اوچون 100 میلیون یورو فند بیره دی.

خوددی شو تکلیف لایحه سی نینگ عملی بولیب باشله شی اوچون اروپا بیرلیگی عمومی کینگشی و اروپا بیرلیگی اعضا دولتلرنینگ تایید ایتیشی شرط.   



علاقه لی ینگی لیکلر