دنیا ده ماسک اوروشی باشله دی

اوشبو اوروش نینگ بیرینچی نمونه سی مارچ آییده کورینگن ایدی

1392193
دنیا ده ماسک اوروشی باشله دی

ینگی تور کرونا ویروس (کووید 19) سببلی اولکه لر اورته سیده ماسک و طبی تهجیزات اوروشی باشله گن وضعیتده. 

اولکه لر, بیر بیر لری نینگ اوشبو خصوصده گی بویورتمه لری نی تارتیب آلیش گه انتیلماقده. 

بونده ی بیر واقعه بیرینچی مرته مارچ آییده چکیا بیلن ایتالیا اورته سیده کورینگن ایدی. 

چکیا, ایتالیا تامانیدن بویورتمه بیریلگن 100 مینگ ماسک نی ضبط ایتیب قویرایکن, مسئله دیپلماتیک تشبث لر بیلن ییچیلگن ایدی. 

ایتالیا, فرانسه بیلن هم بونده ی بیر معما گه دوچ کیلیب قالدی.  سویدن نینگ بیر ساغلیق شرکتی نینگ چین دن ساتیب آلگن ماسک لر 3 مارچ ده فرانسه ده ضبط ایتیلدی.  ویروس دن اینگ کوپ تاثیرلنگن ایتالیا و اسپانیا گه اوشبو ماسک لرنینگ ییتکزیلیشی اوچون سویدن حکومتی دیپلماتیک تشبث باشلتدی.

خوددی شوو دیپلماتیک تشبث لر نتیجه سیده اوشبو ماسک لرنینگ فقط گینه یریمی ایتالیا بیلن اسپانیا گه یوباریلدی.  شرکت بوندن کیینگی بویورتمه لرنی بلجیم آرقه لی ایتالیا و اسپانیا گه یوباره دیگن لیگی نی بیلدیردی.

آلمان هم 8 مارچ ده سویس گه کیته دیگن 240 مینگ ماسک نینگ صادر ایتیلیشی گه اجازت بیرمی اوشبو مال لر نی ضبط ایتیب قویدی.  سویس اوشبو معما نینگ ییچیلیشی اوچون دیپلماتیک تشبث باشلتدی. 

باشقه اولکه لرنینگ ماسک لری نی تارتیب آلگن فرانسه بیلن آلمان هم خوددی شونده ی بیر معما گه دوچ کیلیب قالدی.  فرانسه مقام لری دن بیری, چین دن ماسک آلیش اوچون بویورتمه بیرگن لیک لری نی بیلدیررایکن, اوشبو ماسک لر نینگ امریکا قوشمه ایالتلری گه یوباریلگن لیگی نی معلوم قیلدی. 

آلمان هم, اوشبو اولکه نینگ ساتیب آلگن 200 مینگ ماسک نینگ امریکا قوشمه ایالتلری تامانیدن ضبط ایتیلگن لیگی نی بیلدیردی. 

بونده ی بیر وضعیت نینگ امریکا قوشمه ایالتلری نینگ فرقلی ایالتلری ده موجود ایکن لیگی کورینماقده.  مسیچوسیت ایالتی نینگ ساتیب آلگن 3 میلیون ماسک نینگ, نیویورک بندری ده اسمی بیلدیریلمه گن بیر فدرال حکومتی اداره سی تامانیدن ضبط ایتیلگن لیگی بیلدیریلدی. 

جهان بویلب کرونا ویروس سببلی 70 مینگ دن آرتیق کیشی حیاتی نی یوقاترایکن, اوشبو ویروس نی یوقتیریب آلگن کیشی لر سانی ایسه 1 میلیون 250 نفر دن آشدی. 



علاقه لی ینگی لیکلر