اردوغان: اوزبیکستان بیلن تجارت نی بیش میلیارد دالر گه کوپیتیره میز

اردوغان میرضیایف بیلن اورتاق مطبوعاتی کنفرانس ترتیب له دی

1362943
اردوغان: اوزبیکستان بیلن تجارت نی بیش میلیارد دالر گه کوپیتیره میز

تورکیه جمهوریتی جمهوررئیسی رجب طیب اردوغان, اوزبیکستان بیلن بولگن واردات و صادرات میزانی نی قیسقه بیر مدت مابینیده 5 میلیارد دالر گه کوپیتیریش نی ریجه لیاتگن لیک لری نی بیلدیردی. 

جمهوررئیس اردوغان, جمهوررئیسلیک مجتمع سیده, رسمی بیر سفر بیلن تورکیه گه تشریف بویورگن اوزبیکستان جمهوررئیسی شوکت میرضیایف بیلن یککه مه یککه اوچره شدی.

ایککی رهبر عالی ستراتیژیک کینگشی ییغیلیشی گه اشتراک ایتیش لری آرتیدن اورتاق مطبوعاتی کنفرانس ترتیب له دی. 

صحبتی نی "قرداشیم" دیب خطاب ایتگن اوزبیکستان جمهوررئیسی میرضیایف و اونینگ بیلن بیرگه کیلگن هیئت اعضالری نی مهمان قیلیاتگن لیک لری اوچون جوده خرسند ایکن لیگی نی بیلدیریش بیلن باشله گن جمهوررئیس اردوغان, اوشبو کینگش نینگ بیرینچی ییغیلیشی نینگ بولیب اوتگن لیگی نینگ تاریخی بیر قدم دن عبارت بولگن لیگی نی معلوم قیلدی. 

اوچره شوولرده ایککی تامانلمه مناسبت لر و اوز ارا همکارلیک لر باره سیده کینگ کولملی بحث ایتیلگن لیگی نی بیلدیرگن جمهوررئیس اردوغان, "آلدینگی ییل بیلن سالشتیریلگنده 2019- ییلده تجارت حجمی میز نی 27 فایز مقیاسیده آرتیریش گه موفق بولدیک.  تجارتی میز نینگ 2,2 میلیارد دالر گه کوتریلیشی البته که مهم بیر موفقیت دن عبارت. ایککی اولکه اورته سیده گی تجارتده واردات و همده صادرات بوییچه رقم لر بیرینچی مرته بیر میلیارد دالر دن آشگن وضعیتده.  لیکن اوشبو رقم قانیقرلی ایمس.  حرمتلی جمهوررئیس بیلن اوشبو رقم نی جوده قیسقه بیر مدت کیین 5 میلیارد دالر گه کوتریش نی هدف قیلیب آلماقده میز" دییه قید ایتدی. 

اردوغان, مهمان رهبر بیلن, ترانسپورت, انرژی, ساغلیق, توریزم, معارف و مدافعه صنایع سی ساحه لری بوییچه همکارلیک لرنینگ آرتیریلیشی توغریسیده هم بحث ایتگن لیک لری نی بیلدیردی.     



علاقه لی ینگی لیکلر