کانادا باش وزیری اوکراین اوچاغی نینگ ایران تامانیدن اوریب توشیریلگن لیگی نی ادعا ایتدی

ایران ده اوکراین اوچاغی نینگ قولب توشیشی عاقبتیده اونلب کیشی هلاکت گه اوچره دی

کانادا باش وزیری اوکراین اوچاغی نینگ ایران تامانیدن اوریب توشیریلگن لیگی نی ادعا ایتدی

کانادا باش وزیری جستین ترودو, کانادا استخباراتی ده اوکراین نینگ یولاوچی اوچاغی نینگ ایران گه عاید راکت بیلن اوریب توشیریلگن لیگی توغریسیده دلیل لر موجود ایکن لیگی نی بیلدیردی.

اوز اولکه سی نینگ استخباراتی و همده بعضی متفق اولکه لرنینگ یاشیرینچ خبر آلیش تشکیلات لری معلومات لری گه تینتیریب بیرگن بیاناتیده ترودو, " اوکراین نینگ یولاوچی اوچاغی نینگ ایران گه عاید راکت بیلن اوریب توشیریلگن لیگی توغریسیده دلیل لر موجود. لیکن اشتباهاً اوریلگن بولیشی ممکن" دییه قید ایتدی. 

عینی دمده ترودو, بعضی کانادا لیک دیپلمات لرنینگ تورکیه آرقه لی ایران گه باریش اوچون حرکت قیلگن لیک لری نی بیلدیررایکن, ایران نینگ اوشبو دیپلمات لر گه ویزه بیریلیشی خصوصیده همکارلیک قیله دیگن لیگی نی معلوم قیلدی. 

امریکا قوشمه ایالت لری دولت رهبری دونالد ترامپ هم, اوشبو طیاره نینگ بوزیلگن لیگی سببلی قولب توشگن لیگی گه ایشانمیاتگن لیگی نی بیلدیردی. 

انگلستان باش وزیری بوریس جانسن هم اوشبو طیاره نینگ قولب توشگن لیگی توغریسیده گی تیرگاو نینگ, "تینیق و ایشانرلی" بیر شکلده آلیب باریلیشی کیره ک ایکن لیگی نی معلوم قیلدی. 

جانسن, "موجود معلومات لر اوشبو طیاره نینگ ایران نینگ راکتی بیلن اوریب توشیریلگن لیگی نی کورستماقده.  بونده ی بیر ایش نینگ اشتباهاً بولگن بولیشی ممکن" دییه قید ایتدی. 

ایران حکومتی نینگ سوزچیسی علی ربیعی, خوددی شوو طیاره نینگ ایران نینگ راکتی بیلن اوریب توشیریلگن لیگی توغریسیده گی ادعا لرنی رد ایترایکن, اوشبو وضعیت نینگ امریکا قوشمه ایالتلری نینگ پروپاگندی دن عبارت ایکن لیگی نی بیلدیردی. 

ربیعی, خلق ارا ملکی هواچیلیک تشکیلاتی نینگ قراری دایره سیده اوشبو حادثه نینگ تیکشیریلیشی اوچون ایران ملکی هواچیلیک اداره سی تامانیدن بیر کمیسیون قوریلگن لیگی نی بیلدیررایکن, خوددی شوو حادثه نینگ تینیق, دقیق و تیز بیر شکلده تیکشیریلگن لیگی نی معلوم قیلدی. 

ایران ملکی هواچیلیک اداره سی باشلیغی علی عابدزاده ایسه, "طیاره هوا ده یانگن ایدی و کیین پارتله دی" دییه قید ایتدی. 

اوتگن کون ایران پایتختی تهران ده گی امام خمینی هوا قونلغه سیدن اوچگن و ایچیده 176 کیشی نینگ موجود بولگن اوکراین هوا یوللری گه عاید یولاوچی اوچاغی, اوچیشی دن قیسقه بیر مدت کیین قولب توشدی. 

اوشبو حادثه عاقبتیده طیاره نینگ ایچیده گی 176 کیشی نینگ همه سی جان بیردی. 

خوددی شوو طیاره نینگ قولب توشگن پیتده ایران نینگ امریکا قوشمه ایالتلری نینگ عراق ده گی حربی مرکز لری نی راکت بیلن اورگن لیگی سببلی, اوشبو اوچاق نینگ قولب توشیشی بوییچه ایریم میش- میش لر بحث موضوعی ایتیلماقده.



علاقه لی ینگی لیکلر