ترامپ, جمهوریتچی سناتور لر بیلن تورکیه حقیده صحبت قیلدی

اوشبو ییغیلیش مطبوعات گه یاپیق بولیب اوتدی

1241184
ترامپ, جمهوریتچی سناتور لر بیلن تورکیه حقیده صحبت قیلدی

امریکا قوشمه ایالت لری دولت رهبری دونالد ترامپ, جمهوریتچی سناتور لر بیلن تورکیه نینگ روسیه دن اس 400 هوایی مدافعه سیستمی آلگن لیگی مسئله سی توغریسیده صحبت قیلدی. 

آق اوی ده جمهوریتچی 45 نفر سناتور بیلن مطبوعات گه یاپیق بولیب اوتگن اوشبو ییغیلیش بیر ساعت دن کوپراق دوام ایتدی.

اوشبو ییغیلیش جریانیده, تحریم لر قانونی دایره سیده تورکیه گه قرشی احتمالی تحریم لر باره سیده بحث قیلینگن لیگی بیلدیریلدی. 

خوددی شوو ییغیلیش حقیده آق اوی تامانیدن ایسه هیچ قنده ی رسمی بیر بیانات بیریلمه دی. 

ترامپ, اوتگن هفته ده بیرگن بیانات لریده, سابق دولت رهبری باراک اوباما نینگ تورکیه بیلن علاقه لی ناتوغری بیر سیاست آلیب بارگن لیگی نی بیلدیررایکن, "کوپلب جهت دن آلیب قره گنده یمان بیر وضعیت.  تورکیه جهتی دن آلیب قره گنده آلدینگی رهبریت نینگ کوپلب خطا لری بولدی و بو هم یمان بیر نرسه.  شونده ی قیلیب حاضرچه تحریم لر خصوصیده نیمه قیلیشی میز کیره ک ایکن لیگی باره سیده باش قاتیرماقده میز.  حاضرچه تصمیم آلگن ایمس میز" دییه قید ایتگن ایدی. 

اوشبو بیاناتیدن قیسقه بیر مدت آلدین ایسه, "تورکیه گه قرشی تحریم تطبیق قیله سیز می؟" شکلیده گی بیر سئوال گه جواب قیترگن ترامپ, "یوق, حاضرچه اوشبو موضوع خصوصیده بحث قیلمیمیز" دییه ایتگن ایدی. 



علاقه لی ینگی لیکلر