جاپان تورکیه ده گی بیر قطار پروژه نی مالی جهتدن قولب – قوتله یدی

محلی پروژه لر فند پروگرامی دایره سیده، جاپان تامانیدن مالی جهتدن قولب – قوتلنه دیگن 8 پروزه اوچون کیلیشوولرگه قول قوییلدی.

جاپان رسمی ترقیات یاردم اداره سی (ODA) تامانیدن تورکیه ده 2019 – ییلی عملی بوله دیگن 8 پروژه اوچون انقره ده گی جاپان بویوک ایلچی لیگیده مراسم اویوشتیریلدی.

مراسمده گپیرگن اکیئو میاجیما، جاپان نینگ 2001 – ییلیدن بیری 30 شهرده 48 پروژه اوچون توپلم 3،6 میلیون دالر توله گن لیگینی معلوم قیلیب، "فند پروگراملری نینگ ساغلیق، معارف، آفت اداره سی و خاتین – قیزلرنینگ جمعیت گه قوشیش بوییچه 4 ساحه ده عملی قیلینگن لیگینی ایتدی.  

عدالت و ترقیات حزبی بارتین ولایتی ملت وکیلی ییلمز تونچ هم حمایه قیلینگن پروژه لرنینگ تورکیه بیلن جاپان اورته سیده گی دوستلیکنی کوچلی قیله جگینی افاده ایتیب، "دوستلیگیمیز ابدی دیر. آسیا قاره سیده گی ستراتیژیک اورتاغیمیزدیر. جاپان بیلن بولگن مناسبتیمیزگه انچه اهمیت بیره میز" دیب ایتدی.

تونچ، جمهور باشلیغی رجب طیب ایردوغان نینگ جاری ییل جریانیده جاپان امپراتوری نینگ تخت گه اولتیریش مراسمی و G-20 جلسه سی باعث ایککی مرته بو مملکت گه باره جگینی قید ایتدی.

پروگرام دایره سیده معلول لر اوچون ریئابیلیتیشن مرکزی اوچون اسباب و پروژه لری، سیار ساغلیک و کسل انتقال بیرووچی واسطه لری اوچون توپلم 350 مینگ دالر فند بیریله دی.