دنیا اقتصادی ییغین سویسده باشلنه دی

دنیا اقتصادی ییغینی (WEF) نینگ بو ییل نوبتده گی جلسه سی 22-25 جنوریده سویس نینگ داووس قصبه سیده بولیب اوته دی.

دنیا مقیاسیده معتبر سیاست و تجارت رهبرلری قتنشه دیگن دنیا اقتصادی ییغینی ایرته گه " کلوباللشیش 4: "تورتینچی صنایع انقلابی چاغیده گلوبال ساختارنی شکل لشتیریش" محتواسی بیلن باشلنه دی.

بو ییل 49 – مرته بولیب اوته دیگن ییغین گه 110 مملکتدن 3 مینگدن آرتیق سوداگر، سیاستچی، اکادیمیسین و نادولت تشکیلاتلری نماینده لری قتنشه دی و 350 دن آرتیق جلسه اویوشتیریله دی.

مذکور ییغین گه تورکیه دن خزینه و مالیه وزیری برات آلبیراق، تجارت وزیری روخسار پیکجان و مرکز بانک باشلیغی مراد چیتینقایانینگ قتنه شیشی کوتیلماقده دیر.

موقتی بودجه بحرانی باعث فدرال حکومت نینگ یاپیلیشینی بهانه قیلیب ییغین گه اشتراک ایتمه گن امریکا قوشمه ایالتلری دولت باشلیغی دونالد ترامپ قاله ویرسه انگلستان باش وزیری ترزامی و فرانسه جمهور باشلیغی ایمانوئیل مکرون هم اورین آلمه یدی.