اوروپا بیرلیگی نینگ روسیه گه قره تیلگن تحریم لری

روسیه گه قره تیلگن اوروپا بیرلیگی تحریم لری نینگ تمدید قیلینیشی گه قرار قیلیندی

1107070
اوروپا بیرلیگی نینگ روسیه گه قره تیلگن تحریم لری

اوروپا بیرلیگی, اوکراینده برقرارسیزلیککه سبب بولگن لیگی عیبلاوی بیلن روسیه گه قره ته باشلتگن اقتصادی تحریم لری نی ینه 6 آیلیک بیر مدت بیلن تمدید قیلیشگه قرار قیلدی.

توناوکون کیچقرون بروکسلده بولیب اوتگن اوروپا بیرلیگی رهبر لر ییغیلیشی جریانیده اوشبو بیرلیک کینگشی باشلیغی دونالد توسک تویتر آرقه لی بیرگن بیاناتلریده, روسیه گه قره تیلگن خوددی شوو تحریم لرنینگ 8 نچی مراتبه تمدید قیلینیشی گه قرار قیلینگن لیگی نی بیلدیردی. 

روسیه, 2014 – ییلی مارچ آیی نینگ 18 نچی کونیده قیریم خودمختار جمهوریتی و سیواستوپول شهری نی ناقانونی روشده اوزیگه قوشیب آلدی.

قیریم نینگ روسیه تامانیدن الحاق قیلینیشی و اوکراین نینگ شرقیده جنجال لرنینگ پیدا بولیشی آرتیدن اوروپا بیرلیگی, امریکا قوشمه ایالتلری و باشقه ایریم اولکه لر روسیه گه قرشی اقتصادی تحریم تطبیق قیله باشله گن ایدی. 

تمدید قیلینگن اقتصادی تحریم لر سببلی اوروپا بیرلیگی اعضاسی 28 اولکه روسیه گه سلاح ساتالمَیدی. 

عینی دمده اوشبو تحریم لر دایره سیده روسیه نینگ پطرول و گاز سکتورلریده استفاده قیلینه دیگن ایریم تکنالوژی لرنی اوروپا بیرلیگی اولکه لریدن ساتیب آلینیشی چیکله نه دی.

اینیقسه تجارت و سرمایه گذارلیک لر بوییچه چیکلاو لر نی قمره گن اوشبو تحریم لر ینه 6 آیلیک بیر مدت بیلن تمدید قیلینه دی. 

موجود تحریم لرنینگ مدتی ایسه 2019 – ییلی جنوری آیی نینگ 31 نچی کونیده اداققه ییته دی. 



علاقه لی ینگی لیکلر