مزار شریف بیلن کابل اورته سیده تیمیر یولی قوریله دی

اوشبو تیمیر یولی نینگ قوریلیشی بیلن علاقه لی کیلیشوو امضالندی

1104562
مزار شریف بیلن کابل اورته سیده تیمیر یولی قوریله دی

اوزبیکستان, روسیه, قزاقستان, افغانستان و پاکستان "مزار شریف- کابل- پشاور" تیمیر یولی نینگ قوریلیشی بیلن علاقه لی اوز ارا کیلیشیب آلدی. 

اوزبیکستان دولت تیمیر یوللری باشقرمه سی تامانیدن بیریلگن بیاناتده, اوزبیکستان, روسیه, قزاقستان, افغانستان و پاکستان تیمیر یوللری اداره لری مسئول لری نینگ پایتخت تاشکینتده "مزار شریف- کابل- پشاور" تیمیر یولی نینگ قوریلیشی توغریسیده بحث قیلگن لیک لری بیلدیریلدی. 

عینی دمده اوشبو ییغیلیش جریانیده خوددی شوو تیمیر یولی نینگ قوریلیشی بیلن علاقه لی ایشلر و مالی وجهی توغریسیده بیر کیلیشوو گه قول قویلگن لیگی هم معلوم قیلیندی. 

بیاناتده, اوروپا, روسیه, اوزبیکستان, افغانستان, پاکستان, هندوستان و جنوبشرقی آسیا اولکه لری نی بیر بیرلری گه باغلیدیگن "مزار شریف- کابل- پشاور" ینگی تیمیر یولی نینگ منطقه ده تجارت نی رواجلنتیریب خوددی شوو اولکه لر اورته سیده گی اوز ارا همکارلیک میزانی نی آرتیره دیگن لیگی و افغانستان نینگ رواجله نیشی گه حصه قوشه دیگن لیگی ایسله تیلدی. 

افغانستان جمهوررئیسی محمد اشرف غنی نینگ 2017 – ییل دسامبر آییده تاشکینت گه قیلگن سفری جریانیده, اوزبیکستان بیلن افغانستان اورته سیده اوزونلیگی 760 کیلومتر بوله دیگن "مزارشریف- شبرغان- میمنه- هرات" تیمیر یولی نینگ قوریلیشی بیلن علاقه لی بیر کیلیشوو گه قول قویلگن ایدی. 

اوزبیکستان, آلدین افغانستانده "حیرتان – مزارشریف" تیمیر یولی نی قورگن ایدی. 



علاقه لی ینگی لیکلر