دنمارک سعودی عربستانگه قورال ساتیشنی توخته تیب قویدی

دنمارک تشقی ایشلر وزیرلیگیدن بیریلگن بیاناتده، یمنده ایچکی اوروش سبب بولگن انسانی بحران و سعودی عربستان نینگ جمال قاشیقچی جنایتی باعث سعودی عربستانگه قورال ساتیشینی توخته تیب قویگن لیکلری بیلدیریلدی.

مذکور بیاناتده؛

سعودی عربستان نینگ یمنده گی انسانی بحران و جمال قاشیقچی جنایتی بوییچه علنی بیر شکلده منفی رول اوینه ماقده. اروپادن بو مملکت گه جدی بیر آگاهلنتیروو بیریلیشی ضرور" دیب ایتیلگن.

تشقی ایشلر وزیری اندریس سمولسن هم، اروپا بیرلیگی اولکه لری نینگ سعودی عربستان گه قورال ساتیشینی توخته تیب قوییش قراری الیشینی امید قیلگنینی بیلدیردی.

دنمارک لیک وزیر، امریکا قوشمه ایالتلری نینگ سعودی عربستانگه قره ته آلیب بارگن یانداشووینی تنقید ایتیب، امریکا قوشمه ایالتلری نینگ اروپانینگ عکسینچه حرکت قیلگنینی و سعودی عربستانگه میلیاردلب دالرلیک قورال ساتیش گه دوام ایتگنینی ایسله تیب اوتدی.