افغانستان ایران گه عملی قیلینگن تحریمدن معاف مملکت لر قطاریدن اورین آلدی

امریکا قوشمه ایالتلری کابل بویوک ایلچیسی افغانستان نینگ ایران گه عملی قیلینگن تحریمدن معاف مملکت لر قطاریدن اورین آلگن لیگینی بیلدیردی

1083483
افغانستان ایران گه عملی قیلینگن تحریمدن معاف مملکت لر قطاریدن اورین آلدی

امریکا قوشمه ایالتلری، افغانستاننی ایران چیکلاویدن موقتن معاف مملکتلر قطاریگه کیریتدی.

امریکا قوشمه ایالتلری کابل بویوک ایلچیسی جون باس، تویتیر آدرسی آرقه لی بیرگن معلوماتده چیکلاودن موقتن معاف مملکتلر قطاریگه افغانستان نینگ کیریتیلگن لیگینی بیلدیردی.

 امریکا قوشمه ایالتلری، کینگ کولملی بیر تیکشیروونینگ آرتیدن افغانستان نینگ ایراندن نفت آلیشی "ایراک ایرکین لیک و محافظه گه قرشی قانون" دایره سیده ایراندن نفت محصوللری وارد قیلیش و تحریم چوکاتی گه آلینمه گن ماللرنی چابهار بندری آرقه لی وارد قیلیشی گه رخصت بیریب معاف قیلدی.

امریکا قوشمه ایالتلری نینگ ایران نینگ جنوب – شرق تامانیده جایلشگن عمان دینگیزیده گی چابهار بندری نینگ توسعه بیریلیشینی تحریمدن تشقریگه توتگن لیگی بیلدیریلماقده.

چابهار بندری پروژه سی، ایران نینگ جنوب – شرق تامانیدن باشلب افغانستان و اورته آسیا ایچی گه قره ب بارگن ترانزیت ترانسپورت اوچون استفاده بوله دیگن موتر و تیمیر یولیدن عبارت پروژه لرنی اوز ایچی گه آلماقده دیر.

کیلیشوو 23 می 2016 – ییلی ایران جمهور باشلیغی حسن روحانی، افغانستان جمهور باشلیغی اشرف غنی و هندوستان باش وزیری نارندرا مودی نینگ اشتراکی بیلن اوتکزیلگن مراسمده قول قوییلگن ایدی.

عمان دینگیزی قیرغاغیده جایلشگن بندرنینگ هندوستان نینگ اورته آسیاگه، افغانستان نینگ خلق ارا سوولرگه آلیب بارووچی ایشیک اوله راق ریجه لنماقده دیر.   



علاقه لی ینگی لیکلر