امریکا، ایرانگه قره ته چیکلاولرنی عملی قیلیب باشله دی

امریکا قوشمه ایالتلری دولت باشلیغی دونالد ترامپ نینگ ایران بیلن هسته یی کیلیشوودن بیر تامانلمه بوشه ییب چیقیشی نینگ آرتیدن عملی قیلگن چیکلاو نینگ انرژی، اقتصادی و کیمه ترانسپورتینی اوز ایچی گه آلگن ایککینچی مرحله سی افغانستان وقتی بیلن ساعت 09:30 ده عملاً باشلندی.

ترامپ نینگ می آییده ایران بیلن 2015 – ییلی آلیب باریلگن کیلیشوودن چیقیش قرارینی اعلان قیلیشی نینگ آرتیدن امریکا قوشمه ایالتلری خزینه وزیرلیگی ایرانگه قره ته تحریملرنینگ 90 و 180 کونلیک ایککی مرحله بیلن تکرار عملی بویلب باشله ییشیدن خبر بیرگن ایدی.

شو دایره ده 90 کون نینگ آرتیدن بیرینچی مرحله چیکلاولر 7 اگستده عملی بولیب باشله گن ایدی.

امریکا قوشمه ایالتلری خزینه وزیرلیگی تامانیدن بیریلگن 180 کون نینگ توگه یشی بیلن ایککینچی باسقیچ بوگون ساعت 09:30 ده باشلندی.

2 چیکلاو 6 مادده دن عبارت دیر.

بو ماده لرنینگ باشیده ایران نینگ بندر، کیمه چیلیک و کیمه توزه تووی بیرینچی اورینده توره دی.

ایککینچی ماده تحریملر نفتدن عبارت دیر. ایران ملی نفت شرکتی بولمیش NIOC و ملی تانکر شرکتی NITC کبی موسسه لرنی هم اوز ایچی گه آلگن چیکلاولر بوییچه ایراندن نفت، نفت محصوللری ویا نفت کیمیا محصوللری ساتیب آلینیشی گه خلق ارا مقیاسده محدودیت کیلتیریلماقده.

ایریم ماده خارجی اقتصادی موسسه لرنینگ ایران ملی بانک و ایرانلیک بیر قطار اقتصادی موسسه لر بیلن بولگن ایشلرینی اوز ایچی گه آلماقده.

سونگی مادده لر ایسه ایران بیلن بیمه و انرژی سکتوری گه قره ته محدودیتلردیر.

باشقه تاماندن امریکا قوشمه ایالتلری خزینه وزیری استیون منچین، اوتکن کونی بیرگن بیاناتیده بوگون عملی بولیب باشلنگن چیکلاولر چوکاتیده ایران لیک 700 دن آرتیق شرکت و شخصلرنینگ قاره لیست گه آلینه جگینی بیلدیردی.

عین دمده امریکا قوشمه ایالتلری تشقی ایشلر وزیری مایک پمپیئو، جمعه کونی بیرگن بیاناتیده ایراندن نفت وارداتینی مهم درجه ده کمه یتیرگن لیکن صفرله مه گن 8 مملکت گه قره ته نفت وارد قیلیش اوچون موقتی معافیت کیریتگن لیکلرینی بو مملکتلرنینگ 5 – نوامبر دوشنبه کونی (بوگون) اعلان قیلینه جگینی ایتگن ایدی.

پمپیئو، لیکن اروپا بیرلیگی اولکه لریگه قره ته هیچ بیر معافیت حقی بیریلمس لیگینی قید ایتگن ایدی.