(TAPI) طبیعی گاز پایپ لاین پروژه سی نینگ تورکمنستان تامانی اوز نهایه سیگه ییتیب باردی

تورکمنستان طبیعی گازینی افغانستان آرقه لی پاکستان و هندوستانگه آلیب بارووچی تورکمنستان – أفغانستان – پاکستان – هندوستان (TAPI) طبیعی گاز پایپ لاین پروژه سی نینگ تورکمنستان تامانی اوز نهایه سیگه ییتیب باردی.

(TAPI) پروژه سی نینگ 214 کیلو مترلیک بولیمی نینگ نهائی بولیشی نینگ آرتیدن، اولکه نینگ جنوب تامانیده جایلشگن مری نینگ سرحد آباد منطقه سیده مراسم اوتکزیلدی.

مذکور مراسم گه تورکمنستان دولت باشلیغی قربانقلی بیردی محمد اوف، أفغانستان دولت رئیسی محمد اشرف غنی و پاکستان باش وزیری شاهدخان عباسی قتنشدی.

بیردی محمد اوف، افتتاحیه صحبتیده، پروژه نینگ منطقه نینگ متداوم ترقیاتیده، اجتماعی، اقتصادی و انرژی امنیتی نینگ تامیناتی ایکنینی ایتدی.

تورکمنستان نینگ برق انرژیسی ساحه سیده اعتمادی بیر اورتاق ایکن لیگینی اسباط له گنینی معلوم قیلیب اوزلری بیلن بو توغریده بیرلیکده ایش قیلماقچی بولگن کوپ سانده اولکه نینگ موجود ایکنی لیگی گه دقت قره تدی.

أفغانستان دولت باشلیغی غنی ایسه، (TAPI) پروژه سیگه بیریلگن همکارلیک و قیلینگن فعالیت اوچون مملکت جمهور رئیس لریگه منتدارچیلیک بیلدیریب، پروژه نینگ عملی بولیشیده کیچه – کوندوز ایشله گن و زحمت ترتگن همه نی تقدیر ایتگنینی بیلدیردی.

اولکه نینگ برچه قوشنی لری بیلن تماس قورماقچی بولگنینی اورغوله گن غنی، افغانستان نینگ اقتصادی همکارلیگی اوچون بیر پلت فرم ایجا ایتماقچی ایکنینی قید ایتدی.

پاکستان باش وزیری عباسی هم پروژه نینگ باشقروولیگینی قیلگن تورکمنستانگه تشکر ایتدی و اوشبو پروژه نینگ خلق لرنی بیراویگه باغله ییشینی، اجتماعی و اقتصادی ترقیات تامان آلیب باررلیگینی و منطقه گه استقرار کیلتیریشینی قید ایتدی.

هندوستان نینگ تشقی مناسبتلردن مسؤل دولت وزیری مبشر جاوید اکبر هم بو پروژه نینگ اهمیتی گه تماس ایتیب، تاپی نینگ هندوستان انرژی خوفسیزلیگی اوچون هم انچه اهمیت گه ایگه ایکنینی و پروژه نینگ کوپ سانده فصت یره تیشینی قید ایتدی.

اوتگن ییل تخنیکی ایشلریگه باشلنگن TAPI پروژه سی، مرحله – مرحله عملی قیلینه دی.

اوزولاینیگی 1 مینگ 814 کیلومتر بوله دیگن پایپ لاین پروژه سی نینگ، 214 کیلومترلیک بولیمی تورکمنستاندن، 774 کیلو مترلیک بولیمی افغانستاندن و 826 کیلومترلیک بولیمی ایسه پاکستاندن اوته دی.

میلادی 2020 – ییلی خذمت بیریب باشله ییشی کوتیلگن پروژه نینگ ییل لیک ظرفیتی 33 ملیارد متر مکعب بوله دی.