تاپی پروژه سی نینگ افغانستان بولیمی ایرته گه رسماً باشلَیدی

تاپی پروژه سی نینگ افغانستان قسمی قوریلیش ایشلری فبروری آیی نینگ 23 نچی کونیده باشلَیدی. 

اوشبو پروژه تورکمنستان طبیعی گازی نینگ افغانستان آرقه لی پاکستان و هندوستانگه انتقال ایتتیریلیشی بیلن علاقه لی.

دنیا ده طبیعی گاز بازاری کونساین آرتیب بارماقده.  شوباعث اوشبو موضوع خلق ارا علاقه لر گه هم تاثیر قالدیرماقده.  اوشبو دایره ده, چین و هندوستان کبی نفوسی کونساین آرتیب باریتگن اولکه لر هم طبیعی گاز دن استفاده ایتیش گه حرکت ایتماقده. 

طبیعی گاز بوییچه ضرورت لری نی معما سیز بیر شکلده تامین ایتیش گه حرکت ایتیاتگن اولکه لر خلق ارا انرژی پروژه لریده اورین آلیش گه انتیلماقده. 

هندوستان هم انرژی طلب لری نینگ تامین ایتیلیشی اوچون تاپی پروژه سی گه کتته اهمیت بیرماقده. 

هندوستان نینگ 1,3 تریلیون متر مکعب گاز گه ایگه ایکن لیگی بیلینماقده.  هندوستان انرژی وزیرلیگی, کیله جک 5 ییل مابینیده طبیعی گاز بازاری نینگ ایککی قوات گه آرتیب کیته دیگن لیگی نی تخمین ایتماقده.  شوباعث هندوستان اوشبو موضوع بیلن علاقه لی باشقه اولکه لر بیلن بولگن همکارلیک لر گه کتته اهمیت بیرماقده. 

افغانستانگه قنده ی بیر فایده سی بوله دی؟

تاپی پروژه سی نینگ افغانستان توپراق لریدن اوتیشی اولکه ده مثبت ینگی لیک لر گه سبب بوله دی. 

افغانستان اوشبو پروژه دن ییلده 400 میلیون دالر ترانزیت عایداتی قولگه کیریته دی.  تاپی پروژه سی دایره سیده افغانستان تورکمنستان دن 30 ییل لیق بیر مدت بیلن طبیعی گاز آلیش امکانیتی گه ایگه بوله دی.  پروژه نینگ ایلک 10 ییلیده تورکمنستان ییل لیق 500 میلیون متر مکعب, ایککینچی اون ییلده ییل لیق بیر میلیارد متر مکعب و اوچینچی اون ییل ده ایسه ییل لیق 1,5 میلیارد متر مکعب طبیعی گاز تامین ایتیله دی. 

تورکمنستاندن آلینه دیگن گاز بیلن اولکه ده گی سنترال لرده برق تولید ایتیله دی.  شونده ی قیلیب افغانستانده کتته بیر معما دن عبارت بولگن برق لرنینگ کیتیشی پرابلمی ییچیلگن و افغانستان خلقی نینگ رفاه سویه سی کوتریلگن بوله دی. 

تاپی پروژه سی

اوتگن ییل تخنیکی فعالیت لری باشله گن تاپی پروژه سی باسقیچ مه باسقیچ تطبیق ایتیله دی.  تورکمنستان نینگ اینگ کتته طبیعی گاز قودوغیدن عبارت گالکینیش دن  باشلیدیگن قوور (لوله), افغانستان نینگ هرات, فراه, هلمند و قندهار ولایت لریدن اوتیب پاکستان و هندوستان چیگره سیده گی مسکونی منطقه لر گه قدر دوام ایته دی. 

اوزون لیگی بیر مینگ 814 کیلومتر بولگن اوشبو قوور نینگ, 214 کیلومتر قسمی تورکمنستان, 774 کیلومتر لیک بولیمی افغانستان و 826 کیلومتر قسمی ایسه پاکستاندن اوته دی. 

میلادی 2020 نچی ییلیده استفاده ایتیله باشلشی کوتیلیاتگن اوشبو قوور نینگ ییل لیق ظرفیتی نینگ 33 میلیارد متر مکعب دن عبارت بولیشی تخمین ایتیلماقده. 

خودی منه شوو پروژه, طبیعی گاز طلبی یوقاری بولگن جنوبی و جنوبشرقی آسیا اولکه لری نینگ گاز بازاری گه هم مثبت تاثیر قالدیره دی.  

تاپی پروژه سی نینگ تورکمنستان ده گی 214 کیلومتر لیک قسمی نینگ تکمیل بولیشی آرتیدن, افغانستانده گی بولیمی بیلن علاقه لی فعالیت لرنینگ باشله تیلیشی اوچون هرات ولایتیده فبروری آیی نینگ 23 نچی کونیده تهداب قویش مراسمی بولیب اوته دی. 

اوشبو مراسم گه تورکمنستان, پاکستان و هندوستان دولت رهبر لری نینگ اشتراک ایتیشی کوتیلماقده.