ترکیه بیلن اوزبیکستان مشترک روشده تانک تولید قیله دی

اوزبیکستان جمهوررئیسی شوکت میرضیایف نینگ ترکیه گه قیلگن سفری جریانیده ایککی اولکه مدافعه صنایع سی شرکت لری آره سیده مهم بیر کیلیشوو گه قول قویلدی. 

امضالنگن اوشبو کیلیشوو دایره سیده, ترکیه "دن نورول ماشین" شرکتی بیلن اوزبیکستان نینگ "اوز اوتو" شرکت لری مشترک روشده 1000 تانک تولید قیله دی. 

خودی منه شوو کیلیشوو تولید ایتیله دیگن تانک لرنینگ اوچینچی اولکه لر گه ساتیلیشی نی هم قمره ماقده. 

عینی دمده کیله جکده اوزبیکستان بیلن ترکیه نینگ مشترک روشده باشقه موتر لر هم تولید ایتیشی ممکن. 

برچه عسکری و امنیتی مقصد لر بیلن استفاده ایتیلیشی ممکن بولگن "اژدَر یالچین" نامیده گی اوشبو تانک لر ترکیه ده میلادی 2014 نچی ییلیده تولید ایتیله باشله گن ایدی.

خودی منه شوو تانک تونس گه ساتیلماقده ایدی.

ایندی ایسه اوشبو کیلیشوو دایره سیده اوزبیکستان بیلن ترکیه خودی منه شوو تانک لر نی تولید ایتیب باشقه اولکه لر گه ساته دی.