قطر چیکلاو عملی قیلگن عرب اولکه لریگه قره ته دعوا آچه دی

قطر اداره سی، اوزیگه قرشی چیکلاو عملی قیلگن سعودی عربستان، بیرلشگن عرب امیرلیکلری، بحرین و مصرگه قره ته خلق ارا محکمه لرگه دعوا آچیب، یوز بیرگن ضررنینگ تضمین ایتیلیشینی طلب ایته دی.

اقتصاد و تجارت وزیری شیخ احمد بن جاسیم بن محمد آل ثانی، سویس نینگ ژنو شهریده دنیا اقتصاد کینگشی (WEF) باشلیغی کلاوس شواب، دنیا فکری ملکیت گروهی (WIPO) عمومی دایرکتری فرانسیس گری و دنیا تجارت گروهی (WTO) عمومی دایرکتری روبرتو آزودو بیلن اوچره شدی.

وزیرلیکدن بیریلگن بیاناتگه کوره، مذکور اوچره شووده کورفزده گی بحران، تحریم عملی قیلگن اولکه لرنینگ سیاحت نی منع قیلگن لیگی، زمینی، دینگیز و هوائی چیگره نینگ یاپیلگن لیگی کبی موضوع لرنینگ قولگه آلینگن لیگی بیلدیریلدی.

آل ثانی، "قطر کیره ک بولگن برچه یوللرنی تعقیب قیله دی و چیکلاو عملی قیلگن اولکه لرنینگ محکمه بولیشی اوچون منطقوی و خلق ارا محکمه لر بیلن اداره لرگه مراجعه قیله دی." دیب ایتدی.

محلی و چیت ایللیک شرکت لرنینگ تحریم باعث یوز بیرگن ضررلری نینگ بیریلیشی اوچون قطرنینگ مذکور اولکه لرگه قرشی دعوا آچرلیگینی افافده ایتگن آل ثانی، دعوالرنینگ قچان و قیسی محکمه لرده آچیلیشی ویا طلب ایتیله دیگن تضمینات بیلن تیگیشلی بیلگی بیرمه دی.

بیراق، قطر مدافعه وزیری خالد بن محمد العطیه هم اولکه سیگه قره ته چیکلاو عملی قیلگن سعودی عربستان، بیرلشگن عرب امیرلیکلری، بحرین و مصرگه قرشی خلق ارا عدالت دیوانیده دعوا آچیش لری نینگ ممکن ایکن لیگینی ایتدی.