تورکیه نینگ مطبوعات خلاصه لری

تورکیه نینگ مطبوعات خلاصه لری

2225439
تورکیه نینگ مطبوعات خلاصه لری

 

یېنی شفق گزیته ‌سی: "ایردوغان جَنوبي کورېا‌گه قیغوداشلیک بیلدیردی" سرلوحه سی بیلن خبر بیره‌دی.

جمهور رئیس رجب طیب ایردوغان، جَنوبي کورېا‌ده یوز بېرگن اوچاق حادثه سیده هلاک بولگنلرنینگ عایله‌لریگه، جَنوبي کورېا خلقی و حکومتیگه تعزیه‌ بیلدیردی.

 

ستار گزیته ‌سی: "سودان: ایردوغان نینگ تکلیفینی منّتدارلیک بیلن قبول قیله‌میز" سرلوحه سی بیلن خبر بیره‌دی.

سودا‌ن وزیری الیاسر، تورکيه هر ساحه‌ده اولرنی قوللب-قوّتله‌یاتگنینی تأکیدلب، جمهور رئیس ایردوغان نینگ سودا‌ن بیلن بیرلشگن عرب امیرلیکلری اورته‌سیده‌گی کېلیشماوچیلیکلرنی حل قیلیش اوچون تورکيه‌ نینگ واسطه‌چیلیک قیلیشی ممکنلیگی حقیده‌گی تکلیفینی منّتدارلیک و حرمت بیلن قبول قیلگنلرینی بیلدیردی.

 

حرېت گزیته ‌سی: "سوريه‌ده‌گی قَیته قوریش سودا علاقه‌لرینی کوچه‌یتیره‌دی" سرلوحه سی بیلن خبر بیره‌دی.

جمهور رئیس اورینباسری جودد ییلمز، سوريه‌ده‌گی قَیته قوریش بیلن بیرگه‌ قوله‌ی شرایط نینگ یره‌تیلیشی، سوريه‌لیکلرنینگ قَیتیشیگه و ایکّی مملکت اورته‌سیده‌گی سودا مناسبتلری نینگ رواجلنیشیگه تورتکی بولیشینی ایتدی.

 

صباح گزیته ‌سی: "تورکيه انرژی‌ ساحه‌سیده یېتکچیلیکنی مقصد قیلماقده" سرلوحه سی بیلن خبر بیره‌دی.

انرژی‌ و طبيعي منبعلر وزیری آلپ ارسلان بیراقدار، تورکيه‌ نینگ انرژی‌ سیاستیده خلق‌ارا رقابتده مهم‌ نقطه‌گه یېتگنینی تأکیدله‌دی. "طبيعي گازدن هسته انرژیسیگچه، قَیته تیکلنه‌دیگن انرژیدن آکسیجن تکنالوژي‌لریگچه هر بیر ساحه‌ده یېتکچیلیکنی مقصد قیلماقده‌میز"، دېدی.

 

وطن گزیته ‌سی: "بایقر نینگ پیاگیو اېروسپېس نی ساتیب آلیشی جهان کون ترتیبیده" سرلوحه سی بیلن خبر بیره‌دی.

تورک مدافعه‌ صناعتی کمپنیسی بایقر نینگ ایته‌ليا‌ نینگ پیاگیو اېروسپېس کمپنیسینی ساتیب آلیشی دنیاده کتّه‌ عکس-صدا بېردی، پیاگیو اېروسپېس نینگ ف-35 اوچاقلری اوچون پرزه لر ایشلب چیقریشی هم اعتبارنی تارتدی. بو سودا آرقه‌لی تورکيه، چیقریب یوباریلگن ف-35 دستوریگه قَیتگن بولدی.



علاقه لی ینگی لیکلر