تورکیه نینگ مطبوعات خلاصه لری

صباح گزیته ‌سی: "ایردوغاندن قاهره‌ده دیپلوماتیک اوچره شوولر" سرلوحه سی بیلن خبر بیره‌دی.

تورکيه جمهور رئیسی رجب طیب ایردوغان، د-8 ییغینی اوچون بارگن مصرنینگ پایتختی قاهره‌ده پاکستان باش وزیری شهباز شریف، مصر جمهور رئیسی عبدالفتاح السیسي و اېران جمهور رئیسی مسعود پز‌شکيان بیلن علیحده‌-علیحده‌ اوچره‌شدی. اوچره‌شووه‌لرده ایکّی تامانلمه مناسبتلر، سوريه و غزه مسأله‌لری تیلگه‌ آلیندی.

خبر تورک گزیته ‌سی: "ایردوغاندن سوريه اوچون هم‌جهتلیک چقیریغی" سرلوحه سی بیلن خبر بیره‌دی.

قاهره‌ده‌گی د-8 ییغینیده سوزله‌گن جمهور رئیس  ایردوغان، "تروردن تمیزلنگن سوريه‌نی قوریش بیزنینگ اېنگ صمیمي امیدیمیزدیر. بو قیین یولده سوريه‌لیک قرداشلریمیزنینگ یانیده بولیشیمیز کېره‌کلیگی‌گه ایشانه‌میز"، دېدی.

وطن گزیته ‌سی: "ایردوغان: د-8 تأثیر دایره‌سینی کېنگه‌یتیریشی کېره‌ک" سرلوحه سی بیلن خبر بیره‌دی.

جمهور رئیس  ایردوغان، کوپه‌ییب باره‌یاتگن توقنه شوولر، بحرانلر و اوروشلر قرشیسیده گلوبا‌ل خوفسیزلیک و برقرارلیکنی تأمینلش وظیفه‌سی یوکلنگن تشکیلاتلر اوز مسؤلیتلرینی بجرمه‌یاتگنینی ایتدی. ایردوغان، د-8 تشکیلاتی نینگ تأثیر دایره‌سینی کېنگه‌یتیریش چقیریغینی قیلدی.

ستار گزیته ‌سی: "ایردوغان: اسرائیل‌گه چیتلاو عملی‌ قیلیش جوده‌ مهم‌" سرلوحه سی بیلن خبر بیره‌دی.

جمهور رئیس  ایردوغان، اسرائیل هجوملرینی کېنگه‌یتیریب دوام اېتتیره‌یاتگنینی، سوريه‌ نینگ توپراق بوتونلیگی گه بها بیرمه‌یاتگنینی ایتدی. ایردوغان، اسرائیلگه قورال چیکلاوینی قوللش، سودانی توخته‌تیش و خلق‌ارا مقیاسده چیتلاو عملی‌ قیلیش نینگ جوده‌ مهم‌ اېکنلیگینی تأکیدله‌دی.

یېنی شفق گزیته ‌سی: " تورک هوا یوللری گیننېس رېکوردینی اورنه‌تدی" سرلوحه سی بیلن خبر بیره‌دی.

دنیا نینگ اېنگ کوپ مملکتلریگه اوچه‌یاتگن هوا یول شرکتی عنوانینی 2012 ییلدن بېری سقلب کېله‌یاتگن تورک هوا یوللری (THY)، گیننېس رېکوردلر کتابیگه کیریتیلدی. توناون شیلیگه عملگه آشیریلگن بیرینچی پرواز بیلن بیرگه‌ تورک هوا یوللری نینگ پروازلر ترماغی 131 مملکتنی قمره‌ب آلدی.