تورکیه نینگ مطبوعات خلاصه لری

یېنی شفق گزیته‌سی: "ییل نینگ آخرگی ملی خوفسیزلیک کېنگشی  ییغیلیشی سونگیده‌گی سوريه پیامی" سرلوحه سی بیلن خبر بیره‌دی.

جمهور رئیس اېردوغان رهبرلیگیده‌گی ملی خوفسیزلیک کېنگشی ییغیلیشی سونگیده اعلان قیلینگن یازمه بیاناتده سوريه‌ده حکومت نینگ اوز خلقی و قانوني مخالف‌لری بیلن کېلیشیشی کېره‌کلیگی تأکیدلندی. بیاناتده تورکيه‌ نینگ سوريه‌ نینگ توپراق بوتونلیگی‌گه کورسه‌تگن قوللب-قوّتلشی‌گه اعتبار قره‌تیلدی.

حریت گزیته‌سی:  " ملی مدافعه‌ وزیرلیگی: پ ک ک/ی پ گ نینگ استقرارسیزلیکدن فایده‌لنیشیگه یول قویمه‌یمیز" سرلوحه سی بیلن خبر بیره‌دی.

ملی مدافعه‌ وزیرلیگی، "سوريه‌ نینگ توپراق بوتونلیگی، حاکمیتی و منطقه میزنینگ  خوفسیزلیگی‌گه آغیر تهدید ساله‌یاتگن پ ک ک/ی پ گ ترور تشکیلاتی نینگ منطقه‌ده‌گی استقرارسیزلیکدن فایده‌لنیشیگه یول قویمه‌یمیز" دېگن بیانات بیریلدی.

صباح گزیته‌سی: "کاجر: گلوبال حربي درونلر بازاری نینگ 70 فایزی تورکيه کمپنیلری قولیده" سرلوحه سی بیلن خبر بیره‌دی.

صنایع و تکنالوژي‌ وزیری محمد فاتح کاجر، گلوبال حربي درونلر بازاری نینگ 70 فایزی نینگ تورکيه کمپنیلری تامانیدن باشقریله‌یاتگنینی تأکیدلب، "مدافعه‌ صنایعیده‌گی ریجه اوزگریشلرینی اوز وقتیده اوشلب آلگن حالده مملکتیمیزنی حربي درونلر ایشلب چیقریشده گلوبال یېتکچیسی‌گه ایلنتیردیک" دېدی.

ستار گزیته سی: "اروپا بیرلیگی تامانیدن تورکيه‌گه رخصت" سرلوحه سی بیلن خبر بیره‌دی.

زراعت و اورمان وزیری ابرا‌هیم یوما‌کلی، "تورکيه‌ نینگ 8 ته قناتلی گوشت ایشلب چېقریش کارخانه‌سی اروپا بیرلیگی اوچون ایسّیقلیک بیلن ایشلاو بېریلگن قناتلی گوشت صادرات قیله آله‌دی و اروپا بیرلیگی تامانیدن تصدیقلندی" دېدی.

وطن گزیته‌سی: "انتا‌لیا‌گه د-8 توریزم شهری مکافاتی" سرلوحه سی بیلن خبر بیره‌دی.

مدنیت و توریزم وزیری محمد نوری اېرسوی، انتا‌لیا‌گه "2025 ییل د-8 توریزم شهری مکافاتی" بېریلگنینی اعلان قیلدی. اېرسوی، "اوزی نینگ مدني بایلیکلرینی طبيعي گوزللیکلری بیلن اویغونلشتیرگن بو نایاب شهریمیز فقط تورکيه‌ نینگ اېمس، بلکه‌ بوتون دنیا نینگ اېنگ کوپ تنلنه‌دیگن توریزم مرکزلریدن بیری بولیب قاله‌دی" دېدی.