تورکیه نینگ مطبوعات خلاصه لری
تورکیه نینگ مطبوعات خلاصه لری
صباح گزیته‌سی: وزیر فیدان: "اسرائیل‌گه قورال ساتیش، قیرغین‌گه شریک بولیش معناسیگه کیله‌دی" سرلوحه سی بیلن خبر بیره‌دی.
تشقی ایشلر وزیری خاقان فیدان، جیبوتی‌ده اوتکیزیلگن تورکیه-افریقا همکارلیگی اوچینچی وزیرلر کوزدن کیچیریش کنفرانسی‌نینگ عمومی مطبوعات ییغینیده سوزله‌دی. فیدان، "اسرائیل‌گه قورال ساتیش‌نینگ قیرغین‌گه شریک بولیش معناسیگه کیله‌دیگنینی هر فرصتده تکرارله‌شیمیز کیره‌ک" دېدی.
وطن گزیته‌سی: یونان‌گه قاچماقچی بولگن ایککی فتو اعضاسی قولگه آلیندی" سرلوحه سی بیلن خبر بیره‌دی.
ملی مدافعه وزیرلیگی، تورکیه‌دن یونان‌گه قانون‌سیز یوللر بیلن اوتماقچی بولگن فتو اعضاسی بولگن ایککی کیشی‌نینگ قولگه آلینگنینی بیلدیردی.
ستار گزیته‌سی: تورکیه‌نینگ تېکنالوژی صادراتیده رېکورد اوسیش" سرلوحه سی بیلن خبر بیره‌دی.
صنایع و تکنالوژی وزیری محمد فاتح کاجر، تورکیه‌نینگ یوقاری تیکنالوژی محصولاتی صادراتی ۱۰ میلیارد دالرگه یقینلشگنی گه دقت قره‌تدی. کاجر، اورته و یوقاری تیکنالوژی‌لی محصولات صادراتی‌نینگ ۲۰۲۲-ییلده رېکورد قیلیب ۹۷.۳ میلیارد دالرگه ییتگنینی، بو ییل‌نینگ ۹ آییده ایسه ۷۳.۴ میلیارد دالر سویه‌سیده ایکنلیگینی بیلدیردی.
یینی شفق گزیته‌سی: "صادراتده اوکتوبر رېکوردی: ۲۳.۶ میلیارد دالر" سرلوحه سی بیلن خبر بیره‌دی.
اوکتوبر آییده صادرات ۳.۶ فایز اوسیش بیلن ۲۳.۶ میلیارد دالر، واردات ایسه ۰.۱ فایز توشیش بیلن ۲۹.۴ میلیارد دالر بولدی. تشقی سودا آچیغی ایسه ییللیک اساسده ۱۳ فایز توشیب ۵.۷ میلیارد دالرگه توشدی. سودا وزیری عمر بولات، "جمهوریت تاریخیمیز‌نینگ اینگ یوقاری اوکتوبر آیی صادراتینی عملگه آشیردیک. شونده‌ی قیلیب سونگی ۱۵ آی‌نینگ ۱۰یده رېکورد اورنه تدیک" دېدی.
خبر تورک گزیته‌سی: ۴۶-استانبول بیلله‌شووی یکونله‌ندی " سرلوحه سی بیلن خبر بیره‌دی.
سپور استانبول تامانیدن تشکیل قیلینگن، تورکیه ایش بانکه‌سی حامیلیگیده‌گی ۴۶-استانبول بیلله‌شووی یوگوریلدی. "دنیانینگ قطعه‌لر آره‌سی یوگوریله‌دیگن یگانه بیلله‌شووی" عنوانی گه ایگه بولگن و دنیا یوگوریش بیرلیگی‌نینگ "آلتین بېلگی" کاتېگوریسیده جای آلگن بیلله شوو، ۴۶-مرته اوتکزیلدی. ۴۶-استانبول بیلله‌شووینی ایرکک‌لرده اېتیوپیا‌لیک سپورتچی دېجېنا دېبېلا، ۲:۱۱:۴۰ وقت بیلن اوتدی. عیال‌لرده ایسه بحرین‌لیک سپورتچی روت جېبېت ۲:۲۴:۴۵ وقت بیلن بیرینچی بولدی.
