تورکیه نینگ مطبوعات خلاصه لری
تورکیه نینگ مطبوعات خلاصه لری
حریت گزیته سی" جمهور رئیسی ایردوغان: برچه دولتلر اسرائیلگه باسیم اوتکزیشی کېرەک" سرلوحه سی بیلن خبر بیره‌دی.
جمهور رئیسی رجب طیب ایردوغان انقره‌گه کېلگن سنگال دولت رئیسی باسیرو دیومای فایه بیلن اوتکزگن قوشمه مطبوعات انجمنیده سنگال‌نینگ فلسطین مسئله‌سیده‌گی یانداشووی نینگ قیمتلی ایکنلیگینی ایتدی. اردوغان، "فلسطین و لبنان خلقلرینی قوللب-قوّتلشنی انسانی بورچیمیز دېب بیله‌میز. بوتون دنیا اسرائیلگه باسیم اوتکزیشی کېرەک" دېدی.
خبرتورک گزیته سی"تشقی ایشلر وزیرلیگی اروپا کینگشی‌نینگ تورکیه راپور‌یگه اعتراض بیلدیردی" سرلوحه سی بیلن خبر بیره‌دی.
تشقی ایشلر وزیرلیگی اروپا کینگشی‌نینگ تورکیه بوییچه ۲۰۲۴ ییل راپور‌یگه اعتراض بیلدیردی. وزیرلیک، اینیقسه قبرس مسئله‌سیده‌گی بهالندیریشینی تنقید قیلیب، ایچکی سیاسی دینامیک باره‌سیده‌گی تنقیدلرنی هم حقسیز دېب تأکیدله‌دی.
صباح گزیته سی"سونگگی بیر هفته‌ده ۱۹۸ ترورچی تاثیرسیز وضعیت گه کیلتیریلدی" سرلوحه سی بیلن خبر بیره‌دی.
مدافعه وزیرلیگی سونگگی بیر هفته ایچیده عراق و سوریه نینگ شمالیده اوتکزیلگن عملیاتلرده ۱۹۸ ترورچی نینگ تاثیرسیز وضعیت گه کیلتیریلگنینی معلوم قیلدی.
یینی شفق گزیته سی"تورکیه‌نی تنله‌دیلر، بیرینچی مرته صادر قیلینه‌دی" سرلوحه سی بیلن خبر بیره‌دی.
'کوک وطن‌نینگ قوریقچیسی، تورکیه‌نینگ بیرینچی هیداوچیسیز اوروش دینگیز واسطه‌سی اولاق-سیدا اوچون بیرینچی صادرات شرطنامه‌سی امضالندی. قطر ایچکی ایشلر وزیرلیگی بیلن میلیپول قطر کورگزمه‌سی دوامیده امضالنگن شرطنامه تورکیه‌نینگ بیرینچی هیداوچیسیز اوروش دینگیز واسطه‌سی صادرات پروژه‌سی حسابلنه‌دی.
ستار گزیته سی"بریکس‌نینگ تورکیه حقیده‌گی پُستی هیجان اویغاتدی" سرلوحه سی بیلن خبر بیره‌دی.
بریکس رسمی حسابیدن تورکیه‌نینگ جوده مشهور مدافعه صنایعی محصولاتلری حقیده ویدیو نشر قیلدی. تورک بیراغی ایموجیسی هم قوییلگن ویدیوده "تورک هوا مدافعه تیزیملری" عباره‌سی ایشله‌تیلگن.
