تورکیه نینگ مطبوعات خلاصه لری

خبر تورک گزیته سی: "اردوغان دن اسلام دنیاسیگه غزه چقیریغی" سرلوحه سی بیلن خبر بیره‌دی.

جمهور رئیسی رجب طیب ایردوغان، غزه ده اسرائیل طرفیدن ۵۰ مینگ معصوم انسان‌نینگ وحشیانه اولدیریلگنی، ۲ میلیون کیشی نینگ اوستیگه بمب یاغدیریلگنی اویاتلی بیر جریان کیچیریلگنینی بیلدیردی. ایردوغان، اسلام دنیاسینی غزه ده و لبنان ده مسئولیت آلیشگه چقیردی.

حریت گزیته‌سی: "آلتون: اسرائیل نینگ یالغانلریگه سیس سیز قالمه یمیز" سرلوحه سی بیلن خبر بیر‌ه‌دی.

جمهور رئیسلیگی علاقه لر باشلیغی فخرالدین آلتون، تورکیه نینگ بوتون دنیاده حقیقت نینگ وکیلی بولیب قالیش گه دوام ایته جگینی ایتدی. آلتون، "دنیانینگ اسرائیل ایتگن یالغانلر بیلن الده نیشیگه، ترقتگن ناتوغری تبلیغلر بیلن الده تیشیگه قرشی سیس سیز قالمه یمیز" دیدی.

ستار گزیته‌سی: "اسرائیل نینگ یالغانلری ویب سایتی قوریلدی" سرلوحه سی بیلن خبر بیره دی.

جمهور رئیسلیگی علاقه لر باشقرمه سی یالغانلرگه قرشی کوره ش مرکزی کوردیناتوری ادریس قرداش، 'اسرائیل نینگ یالغانلری' عنوانلی بیر انترنت سایتی پورتالی قوریلگنینی بیلدیردی. قرداش، "اسرائیل نینگ یالغانلرینی بوتون دنیا جمعیتیگه ییتکیزه میز" دیدی.

وطن گزیته‌سی: "ییل آخریده ۵۹،۶ میلیارد دالر توریزم عایدی کوتیله دی" سرلوحه سی بیلن خبر بیره دی.

تورکیه نینگ توریزم عایدی نینگ ییل آخری اعتباری بیلن ۵۹،۶ میلیارد دالرگه، تورکیه گه کیلگن چیت ایللیک سیاحتچی لر سانی نینگ ایسه ۵۲،۷ میلیونگه یتیشی کوتیلماقده. ۲۰۲۵ ده ایسه تورکیه نینگ عمومی سیاحتچی لر سانیده گی کوتیلیش تخمیناً ۶۱ میلیون.

صباح گزیته‌سی: "تورکیه دن نفت حمله سی" سرلوحه سی بیلن خبر بیره دی.

انرژیده تشقریگه باغلیلیک نینگ کمه یتیریلیشی و ییرلی منبع لرنینگ اقتصادگه قوشیلیشی ایشلری دایره سیده شیرناق گبرده تاپیلگن نفت ذخیره لری توپلمی ۸۶۷ میلیون بوشکه گه ییتدی. کیلگوسی ییل ایسه نفت و طبیعی گاز چیقریلیشی اوچون ۲۷۰ قدوقده قازیش ایشلری پلانلنماقده.