تورکیه مطبوعاتیدن خلاصه لر 10.09.2024

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, اسرائیل نینگ دوام ایتیاتگن غزه نواری گه قره تیلگن هجوملری بیلن علاقه لی بیرگن بیاناتیده, "وظیفه سی بیت المقدس دعواسی گه ایگه چیقیش دن عبارت بولگن اسلام همکارلیک تشکیلاتی اسرائیل نینگ دوام ایتیاتگن هجوملرینی کوریب تورگن وضعیتده. مذکور تشکیلات نینگ وقت نی اوتکزمسدن رهبر لر سویه سیده ییغیلیش اوتکزیشی و اسلام عالمی نینگ قرارلی بیر سیاست آلیب باریشی جوده هم مهم" دییه قید ایتگن لیگینی معلوم قیلماقده. 

ستار روزنامه سی, اروپا اتفاقی کمیسیونی نینگ قوشنچیلیک و کینگه ییش بوییچه مسئول عضوی اولیوار وارهیلی نینگ, تورکیه نینگ گمرگ بیرلیگی نینگ ینگی له نیشی کبی موضوع لر بوییچه یقین کیله جکده قدم تشله نیشی نی کوتیاتگن لیک لرینی بیلدیرگن لیگینی یازماقده. 

حریت روزنامه سی, اوتگن ییل نینگ خوددی شوو دوری بیلن سالیشتیریلگنده جاری ییل جنوری- آگست آی لری آره سیده تورک هوا یوللری یولاوچی سانی نینگ 2,5 فایز گه آشیب 57,4 میلیون نفر گه ییتگن لیگینی بیلدیرماقده. 

صباح روزنامه سی, گوگل فایده لنووچی لری نینگ فکر لری گه کوره قیلینگن بیر تحقیققه قره گنده, استانبول هوا قونلغه سی نینگ اروپا نینگ اینگ یخشی هوا قونلغه سی اوله راق سیلنگن لیگینی ایسلتماقده. 

خبرتورک روزنامه سی, تورکیه جمهوریتی مدنیت  و توریزم وزیرلیگی تامانیدن تیارلنگن, تورکیه نی تانیتیش فلم لری نینگ, 200 دن آرتیق اولکه نینگ تلویزیونی و دیجیتال پلاتفرم لر آرقه لی ترقه تیلگن لیگینی معلوم قیلماقده. 

خبرده, اوشبو فلم لرنینگ بیر آی مابینیده 1 میلیارد مراتبه تماشا قیلینگن لیگی ایسله تیلماقده.