تورکیه مطبوعاتیدن خلاصه لر 09.09.2024

حریت روزنامه سی, تورکیه جمهوریتی تشقی ایشلر وزیرلیگی سوزچیسی اونجو کیچه لی نینگ, غربی نوارده اسرائیل عسکر لری تامانیدن اولدیریلگن عایشه نور ایزگی ایگی نینگ جنازه سی نینگ عایله سی گه تاپشیریلیشی و دفنی اوچون کیره کلی تشبث لرنینگ دوام ایتیاتگن لیگینی بیلدیرگن لیگینی ایسلتماقده. 

ینی شفق روزنامه سی, تورکیه جمهوریتی جمهوررئیس اورینباسری جودت ییلماز نینگ, "اساسی صادرات بازاری میزدن عبارت اروپا ده جدی قیین چیلیک لرنینگ موجود ایکن لیگی گه قره مسدن صادرات بوییچه کتته موفقیت لر قولگه کیریتیلماقده.  صادراتی میز آرتیب بارماقده.  جاری ییل نینگ سونگّیده 264 میلیارد دالرلیک صادرات کوتماقده میز" دییه قید ایتگن لیگینی یازماقده. 

ستار روزنامه سی, آلمان مطبوعاتی نینگ, تورکیه نینگ قاره دینگیزده نظم نینگ تامین ایتیلیشی بوییچه موفق ایکن لیگینی بیلدیررایکن, شرقی آقدینگیزده اونگه قره تیلگن پلان لرنی بوزیب تشلش کوچی گه ایگه ایکن لیگینی معلوم قیلگن لیگی گه دقت قره تماقده. 

خبرده, غرب تامانیدن باسیم قیلینیش گه حرکت قیلینیاتگن تورکیه نینگ تشویش لری و منفعت لری نینگ نظر گه آلینیشی تقدیرده, حتی جنجاللی جیوپلتیک شرایطده هم منطقه مقیاسیده همکارلیک قیلیش امکانیتی نی تامین ایتیاتگن لیگی معلوم قیلینماقده. 

خبرتورک روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدار نینگ, تورکیه نینگ ایلک هسته ای سنترالی دن عبارت بولگن و دستلبکی ریکتوری نینگ کیلگوسی ییل فعالیت گه باشله یدیگن آق قویو هسته  ای کوچ سنترالی نینگ تورکیه نینگ برق ضرورتی نینگ 10 فایزی نی تامین ایته دیگن لیگینی بیلدیرگن لیگی گه دقت قره تماقده.  

صباح روزنامه سی, تورک مالی برقی موتر دن عبارت توگ نینگ جاری ییل نینگ دستلبکی 8 آییده تورکیه ده اینگ کوپ ساتیلگن موتر بولگن لیگینی ایسلتماقده. 

خبرده, خوددی شوو دور نینگ اوزیده 14 مینگ 849 توگ نینگ ساتیلگن لیگی معلوم قیلینماقده.