تورکیه نینگ مطبوعات خلاصه لری
تورکیه نینگ مطبوعات خلاصه لری
وطن گزیته سی: " تاریخي اوچره‌شوو دنیا مطبوعاتیده عکس ایتدی" سرلوحه سی بیلن خبر بیردی.
گزیته مصر جمهور باشلیغی عبدالفتاح السیسی تورکیه‌گه ایلک رسمی تشریفینی عملگه آشیریشی بوتون دنیاده کتّه اعتبار قازاندی. گزیته‌لر مصر و تورکيه اورته‌سیده ینگی صحیفه آچیلگنینی یازیب، ایردوغان و سیسی نینگ غزه مسأله‌سیده بیر تینگ یانداشووده ایکن لیگی تأکیدلندی دیب یازماقده.
خبرتورک گزیته سی: " تشقی ایشلر وزیری خاقان فیدان غزه‌ده یوز بیره‌یاتگنلرنینگ عیبداری نتانیاهو" سرلوحه سی بیلن خبر بیره دی.
گزیته تشقی ایشلر وزیری خاقان فیدان شمالی مقدونیه تشقی ایشلر و تشقی سودا وزیری تیمکو موکنسکی بیلن اسکوپ ده‌گی اوچره‌شوویدن سونگ اوتکزیلگن قوشمه مطبوعات کنفرانسیده سوزگه چیقدی. غزه‌ده یوز بیره‌یاتگن قرغین نینگ اساسي عیبداری نتانیاهو اوزیدیر" دیگن لیگینی یازماقده.
صباح گزیته سی: " ایردوغان بو مسأله‌ده مهم رول اوینه‌دی" سرلوحه سی بیلن خبر بیردی.
گزیته روسیه دولت باشلیغی ولا‌دیمیر پوتین 2022 ییلده استانبولده اوکراین بیلن کیلیشووگه ایریشیلگنینی ایسله‌تیب، دولت باشلیغی ایردوغان نینگ بو جریانده جوده مهم رول اوینه‌گنینی ایتدی. روسیه نینگ اوکراین بیلن مذاکره‌لرنی رد ایتمه‌گنلیگینی تأکیدله گن پوتین "بیز استانبولده امضالنگن و عملده کیلیشیلگن حجتلر اساسیده مذاکره‌لرگه تیارمیز" دیگن لیگینی یازماقده.
حریت گزیته سی: " تورکيه-مصر پروازلری 2 برابرگه آشه‌دی " سرلوحه سی بیلن خبر بیردی.
گزیته ترانسپورت و آست قوریلمه وزیری عبدالقدیر اورا‌ل اوغلی نینگ ملکی هواچیلیک بوییچه امضالنگن کیلیشووگه کوره، تورکيه بیلن مصر اورته‌سیده‌گی پروازلر سانی نینگ ایکّی برابرگه آشیشینی معلوم قیلگن لیگینی یازماقده.
ستار گزیته سی: " استانبول هوا قونلغه سی, 26- آگست بیلن 1- سپتامبر کونلری آره سیده اینگ گاوجوم هوا قونلغه سی بولدی" سرلوحه سی بیلن خبر بیردی.
گزیته استانبول هوا قونلغه سی, 26- آگست بیلن 1- سپتامبر کونلری آره سیده, کونده لیک اورته چه 1494 اوچیش بیلن اروپا نینگ اینگ گاوجوم هوا قونلغه سیدن عبارت بولگن لیگینی یازماقده.
