تورکیه مطبوعاتیدن خلاصه لر 14.08.2024
تورکیه مطبوعاتیده باسیلیب چیققن خبر لرنینگ خلاصه لری
حریت روزنامه سی, تورکیه جمهوریتی تشقی ایشلر وزیری خاقان فیدان نینگ, "آره لریده وزیرلرنینگ هم موجود بولگن یوزلب افراطی اسرائیللیک نینگ پولیس حمایتی بیلن مسجدالاقصی گه باسیب کیرگن لیگی, بیت المقدس نینگ تاریخی موقفی نی اخلال قیلگن و منطقه میزده گی بحران نی آرتیره دیگن بیر تحریک دن عبارت" دییه قید ایتگن لیگینی معلوم قیلماقده.
خبرتورک روزنامه سی, تشقی ایشلر وزیری فیدان نینگ, تلفن آرقه لی قطرلیک و مصرلیک کسبداش لری بیلن سوزلشگن لیگینی یازماقده.
خبرده, اوشبو صحبتده, اسرائیللیک وزیر لرنینگ فلسطین توپراق لرینی باسیب آلگن افراطی یهودی لر بیلن بیرگه مسجدالاقصی گه باسیب کیرگن لیک لری و غزه ده گی سونگّی وضعیت باره سیده بحث ایتیلگن لیگی ایسله تیلماقده.
ستار روزنامه سی, تورکیه نینگ اسرائیل نینگ تیمیر گنبدی گه رقیب بوله دیگن هوا مدافعه سیستمی ایشلب چیقریش نی هدف قیلیب آلگن مهم بیر برنامه باشلتگن لیگینی یازگن مطبوعات نینگ, "تورکیه اسرائیل نینگ تیمیر گنبدی گه 'فولاد گنبدی' هوا مدافعه سیستمی بیلن جواب قیتره دی" دییه یازگن لیگینی بیلدیرماقده.
صباح روزنامه سی, تورکیه جمهوریتی جمهوررئیس اورینباسری جودت ییلماز نینگ, خلق ارا شرکت لرنینگ تورکیه ده سرمایه گذارلیک قیله دیگن لیک لری نی بیلدیرگن بیر دور نینگ باشله گن لیگینی معلوم قیلرایکن, "دنیا نینگ اینگ مهم سرمایه گذارلیک شرکت لری نینگ یوقاری مرتبه لی مسئول لرینی حرمتلی جمهوررئیسی میز باشچیلیگیده 28- سپتامبر کونی بولیب اوته دیگن سرمایه گذارلیک مشوره کینگشی ییغیلیشی گه چقیردیک" دییه قید ایتگن لیگی گه دقت قره تماقده.
ینی شفق روزنامه سی, جاری ییل نینگ دستلبکی 6 آییده تورکیه گه بیواسطه قیلینگن سرمایه گذارلیک میزانی نینگ 4,7 میلیارد دالردن عبارت بولگن لیگینی بیلدیرماقده.
خبرده, هالند, امریکا قوشمه ایالتلری, آلمان, آیرلند, ناروی و انگلستان نینگ جاری ییل نینگ دستلبکی 6 آییده تورکیه ده اینگ کوپ سرمایه گذارلیک قیلگن اولکه لردن عبارت بولگن لیگی ایسله تیلماقده.
